Ál-Farabı aýdanyndaǵy Álimbetov kóshesi №45v úı aýlasy men Tekesý turǵyn alabynda paıdalanýǵa berilgen sport alańshalary jeke kásipker Serik Týlbasovtyń jeke qory demeýshiligi esebinen salyndy.
Jańa nysannyń ashylý saltanatyna qatysqan qala ákiminiń orynbasary Maqsut Isahov buqaralyq sporttyń damýyna óz úlesin qosyp júrgen mesenattarǵa alǵysyn bildirdi.
«Qazirgi tańda Shymkent qalasy aýmaǵynda aýla ishilik 231 sport alańshasy bolsa, bıyl bıýdjet esebinen qala aýmaǵyna qosymsha 101 sport alańyn salý josparymyzda bar. Al, Ál-Farabı aýdany aýmaǵynda bıylǵy jyly óńirimizdiń kásipkeri Serik Týlbasovtyń jeke qory demeýshiligi esebinen 7 sport alańshasy salynyp, paıdalanýǵa beriletin bolady. Búgin sol sport alańshasynyń ekeýi halyq ıgiligine berilip otyr. Buqaralyq sporttyń damýyna óz úlesin qosyp, óskeleń urpaqtyń múddesin oılap júrgen jomart azamattarǵa alǵysymyz sheksiz! Qoǵamǵa paıdaly isterińizdi qala turǵyndary umytpaıdy», dedi qala basshysynyń orynbasary.
Sport alańdary vorkaýtpen aınalysýǵa arnalǵan sporttyq jabdyqtarmen jáne dene jattyǵýlaryna arnalǵan quraldarmen jaraqtandyrylǵan.
Prezıdent tapsyrmasyna oraı, qalada bıylǵy jyly dene shynyqtyrýmen jáne sportpen shuǵyldanýshylar kórsetkishin 31% ulǵaıtý josparlanýda.
