Departamenttiń málimetinshe, Taraz qalasy áýejaıyndaǵy Jelilik polısııa bólimshesiniń kezekshi bólimine dıspetcherden «Nur-Sultan-Taraz» baǵytyndaǵy áýe reısiniń bortynda quqyqbuzýshy bar ekendigi týraly habarlama kelip túsken.
«Tekserý barysynda er adamnyń mas kúıinde ózin agressıvti ustap, ekıpaj múshelerin balaǵattap, bortserikterdiń eskertýine qulaq aspaǵandyǵy anyqtaldy. Jolaýshy áýe kemesi komandıriniń aktisi boıynsha reısten túsirilip, kezekshi bólimge jetkizildi. Ol Mańǵystaý oblysynyń 48 jastaǵy turǵyny bolyp shyqty. Medısınalyq kýálandyrý qorytyndysyna sáıkes, ol «ortasha dárejede» mas kúıde bolǵan», delingen habarlamada.
Quqyqbuzýshyǵa qatysty QR ÁQBtK-niń 440-baby 1-bóligimen, ıaǵnı ishimdik ishý nemese qoǵamdyq orynǵa mas kúıde kelý jáne QR ÁQBtK-niń 566-baby 1-bóligimen, ıaǵnı áýe kemesinde minez-qulyq qaǵıdalaryn buzý boıynsha ákimshilik hattamalar toltyrylyp, 8 AEK mólsherinde ákimshilik aıyppul salyndy.
Sonymen qatar oǵan qatysty usaq buzaqylyq faktisi boıynsha da úshinshi ákimshilik hattama toltyrylyp, prosessýaldyq sheshim qabyldaý úshin Taraz qalasynyń mamandandyrylǵan aýdanaralyq ákimshilik sotyna joldandy.
