Ýchaskelik polısııa ınspektorlary ınstıtýty – ishki ister organdary júıesindegi eń kópfýnksıonaldy ınstıtýt. Olar azamattardyń quqyqtaryn qorǵaý, otbasylyq-turmystyq zorlyq-zombylyq, quqyqtyq tártip pen jol qaýipsizdigin qamtamasyz etý, kóshi-qon, qorshaǵan ortany qorǵaý, aýmaqtardy abattandyrý jáne basqa da máselelerge qatysady. Sondaı-aq qylmystyń 12 quramy boıynsha, onyń ishinde esirtkini zańsyz paıdalaný, janýarlarǵa qatygezdik tanytý, zańsyz ań aýlaý jáne aǵashtardy joıý boıynsha qylmystyq is júrgizedi. Ýchaskelik ınspektorlar ákimshilik quqyq buzýshylyqtyń 47 quramyn óz betinshe qaraıdy jáne jaza qoldanady.
«Jalpy, ýchaskelik polısııa - bul quqyq buzýshylyqtyń aldyn alýdyń jalpy júıesindegi negizgi býyn. Tek olar ǵana turaqty negizde halyqpen jeke baılanysta bolady, al keıbir aýyldarda ýchaskelik polısııa qyzmetkeri – quqyq qorǵaý organdarynyń jalǵyz ókili. Bul jerde ol zańdylyq pen aýyl turǵyndarynyń tynyshtyǵynyń kepili», dedi komıtet basshysy.
Ýchaskelik polıseıler esepte turǵan azamattar men probasııada júrgen tulǵalarǵa baqylaý jasaıdy. Nashaqor jáne buryn sottalǵan azamattardyń tártibin qadaǵalaıdy. Qazirgi kezde polısııa esebinde osyndaı 100 myńǵa jýyq azamat tur.
