Polısııa departamentiniń ózindik qaýipsizdik basqarmasy ishki ister organdarynyń sybaılas jemqorlyqqa qarsy baǵdarlamasyn iske asyrý sheńberinde laýazymdy tulǵalarǵa para berý faktilerin anyqtaý boıynsha turaqty negizde is-sharalar júrgizedi.
«Sáýir aıynda oblys ortalyǵynyń turǵyny ózin ákimshilik jaýapkershilikke tartpaý úshin Pavlodar qalasynyń patrýldik polısııa batalonynyń qyzmet ınspektoryna eki myń teńge mólsherinde zańsyz aqshalaı syıaqy bermekshi bolǵany týraly telefon habarlamasy tústi. Júrgizýshi jol qıylystarynan ótý erejelerin nemese joldyń júrý bóligin kesip ótý erejelerin buzǵany anyqtaldy. Ony polısııa qyzmetkerleri toqtatyp, er adamǵa qatysty Qazaqstan Respýblıkasy ÁQBtK 594-baby boıynsha ákimshilik is qozǵaldy. Júrgizýshi máseleni para berý arqyly sheshpek bolǵan», dedi Polısııa departamenti ózindik qaýipsizdik basqarmasynyń bastyǵy Tólegen Alpysbaev.
Er adamǵa qatysty Qazaqstan Respýblıkasy QK 367-baby boıynsha sotqa deıingi tergeý júrgizildi. Sot er adamdy kináli dep tanyp, 11, 25 AEK (para mólsheriniń eselengen) mólsherinde, 22 500 teńge somasynda aıyppul túrinde jaza taǵaıyndady.
Sondaı-aq ol ómir boıyna memlekettik qyzmette, sýdıa, jergilikti ózin-ózi basqarý organdarynda, Qazaqstan Respýblıkasynyń Ulttyq Banki men onyń vedomstvolarynda, Qarjy naryǵy men qarjy uıymdaryn retteý, baqylaý men qadaǵalaý jónindegi ýákiletti organda, memlekettik uıymdar men kvazımemlekettik sektor sýbektilerinde laýazymdardy atqarý quqyǵynan aıyryldy.
