«Qajylyq-2021» maýsymyndaǵy Saýdııa bıligi tarapynan qoıylǵan negizgi talaptar:
⠀
- Bıylǵy qajylyq maýsymyndaǵy qajylar sany 60 myń adamǵa belgilengen.
⠀
- Qajylyq jasaýǵa 18-60 jastar aralyǵyndaǵy azamattar ótinish bere alady.
⠀
- Saýd Arabııasynda resmı bekitilgen vaksına túrleriniń (Pfizer-BioNTech, AstraZeneca, Johnson&Johnson jáne Moderna) eki dozasyn qabyldaý qajylardan talap etiledi. Ekinshi dozany Koroldikke barýdan 14 táýlik buryn qabyldaýy tıis.
⠀
- Shet elderden kelgen kisilerge qajylyq qulshylyǵyna qatysy joq ózge aımaqtarǵa barýyna tyıym salynady.
⠀
Sonymen qatar, ár qajy joǵaryda atalǵan vaksınalardyń birin qabyldaǵany týraly óz eliniń quzyretti organdarynan anyqtama alýy jáne ony Saýd Arabııasynyń shet memleketterdegi elshilikterinde zańdastyrýy kerek.
⠀
Buǵan qosymsha ár qajydan Koroldikke kelgen kezde 72 saǵatqa jaramdy teris nátıjeli PTR-test anyqtamasyn da kórsetý talap etiledi.
⠀
Qajylar Mekke aımaǵynda bir orynnan ekinshi orynǵa kóshken ýaqytta barlyq densaýlyq saqtaý sharalaryn qatań saqtaýy tıis. Sondaı-aq bekitilgen erejelerge tolyq baǵyný qajet.
⠀
Eskerte keteıik, «Qajylyq-2021» maýsymynda qandaı memleketten qansha adam shaqyrylatyny jaıly jańalyqty Saýdııa bıligi ázirge taratpaı otyr.
