«Bıyl bul jumystardy bastap kettik. Jýrnalısterdi oqytý, biliktilikterin arttyrý boıynsha naqty jospar bar. Sondyqtan bul jumys dástúrli ári júıeli túrde jalǵasady. О́ıtkeni BAQ-ty, kásibı jýrnalısterdi qoldaýǵa múddelimiz. Búginde túrli sala baǵytynda úsh top oqydy. Aldaǵy ýaqytta da onlaın formatta jalǵasyn tabady. Bul qatysýshylardy, onyń ishinde óńir jýrnalısterin keńinen tartýǵa múmkindik berip, olardyń damýyna septigin tıgizedi», dedi mınıstr.
Onyń aıtýynsha, qazirgi ýaqytta medısına, din, IT-tehnologııa, ekologııa baǵyttaryndaǵy joǵary oqý oryndarynda jýrnalısterdi salalyq oqytý júzege asyryldy.
«Bul tizbe keńeıtile túsetin bolady. Josparymyzda qoǵamymyz úshin mańyzdy aýyl sharýashylyǵy, etnosaralyq qatynas máselelerinde joǵary oqý oryndarymen jumys isteý bar. Taǵy da qaıtalap aıtamyn, jumysty bastadyq ári ol júıeli túrde jalǵasa beredi», dedi Aıda Balaeva.
