№ 8 qazaq-tájik orta mektebiniń dırektory Gúlsara Hasanova pedagogti aýdandyq bilim bóliminen bólý boıynsha jumysqa qabyldaǵanyn aıtady.
Mektep dırektorynyń aıtýynsha, ol testileýden ótken. Alaıda ekinshi kezeń –áńgimelesý bolǵandyqtan, ol mektepten emes, tikeleı aýdannyń baǵyttamasymen kelgenin jetkizdi.
«Ol maǵan aýdannan baǵyttama boıynsha keldi. Men, árıne, ony qabyldadym», deıdi dırektor.
Buǵan deıin aýdandaǵylar pedagogtiń jumysqa qabyldanýyna baılanysty jaýapkershilikti mektep dırektoryna artqan edi.
Mektep basshysy Qoǵamdyq damý departamentiniń kadr jetispeýi týraly málimdemesin de joqqa shyǵardy.
«Bizde kadr jetispeýi joq. Pedagog rasynda býynǵa bólip oqıtyn, biraq ol alǵashqy kezderi, muǵalim mektepke endi ǵana kelgen jyldary bolǵan», dedi Gúlsara Hasanova.
Alaıda ata-analardyń biri dırektordyń sózin joqqa shyǵardy.
«Ol balalarǵa sabaqty qashyqtan berý kezinde solaı sóılep otyrdy. Esińizde bolsa, byltyr barlyq mektepti jaýyp tastaǵan bolatyn», deıdi ata-ana.
Búginde pedagog dekrettik demalysta.
