Túrkistan oblysynyń qutqarýshylary Tólebı aýdanyndaǵy Saıram-О́gem memlekettik ulttyq tabıǵı parkiniń aýmaǵynda joǵalǵan 7 adamdy izdestirý jumystaryn júrgizip jatyr. Olardyń joǵalǵany týraly habarlama «112» pýltine 2021 jyldyń 25 mamyrynda saǵat 18:30-da túsken. 21 mamyrda týrıster «Sary-Aıǵyr» shatqalyna jaıaý bet alǵan. Qutqarýshylarǵa habarlasqan adamnyń aıtýynsha, olar 24 mamyrda úıge oralýy kerek bolǵan.
«О́tken táýlikte izdestirý toptary 37 shaqyrymǵa jýyq taýly aımaqty jaıaý aralady. Eki pılotsyz ushý apparaty arqyly 4 shaqyrym radıýsta sholý júrgizildi. Izdestirý jumystaryna Túrkistan oblysy TJ departamentiniń 25 qutqarýshysy, 2 kvadrakopteri jáne 7 tehnıkasy jumyldy. Sondaı-aq polısııa departamentiniń 4 qyzmetkeri men 1 tehnıkasy, jergilikti atqarýshy organdardyń 2 qyzmetkeri men 1 tehnıkasy, UQK Shekara qyzmetiniń 3 at patrýli, ulttyq parktiń 10 qyzmetkeri men joǵalǵandardyń týystary izdestirý jumystaryn júrgizip jatyr», delingen habarlamada.
Tuman, ala bult, taýly jerlerdegi naızaǵaıǵa baılanysty «Qazavıaqutqarý» AQ tikushaǵyn Shymkent qalasynan áýege kóterý múmkin bolmaǵan.
