«Sybaılas jemqorlyq quqyq buzýshylyq faktisi týraly habarlaǵan nemese sybaılas jemqorlyqqa qarsy is-qımylda ózge de jolmen járdemdesetin adamdarǵa birjolǵy aqshalaı syıaqy nysanynda júzege asyrylatyn kótermeleý belgilenedi. Qaǵıdalarmen reglamenttelgen kótermeleý sybaılas jemqorlyqqa múldem tózbeýshilikti qalyptastyrý jáne azamattyq qoǵamdy osy qaýipti áleýmettik qubylyspen kúreske tartý boıynsha pármendi yntalandyrý tetigi bolyp sanalady», dedi Marat Haırýllın.
Onyń aıtýynsha, sybaılas jemqorlyqqa qatysty habarlamaǵa beriletin syıaqy erejesine halyqaralyq tájirıbege súıene otyryp ózgerister engizildi.
«Ekonomıkalyq yntymaqtastyq jáne damý uıymy elderiniń tájirıbesi boıynsha (Germanııa, Ulybrıtanııa, AQSh) syıaqy somasy saralanǵan somaǵa aınaldy. Endi para nemese keltirilgen zalal somasy 1 myń AEK-ten (2 mln 917 myń teńge) aspaıtyn sybaılas jemqorlyq quqyq buzýshylyq týraly habarlama úshin syıaqy (qylmystyń aýyrlyǵyna baılanysty) 30-dan 100 AEK-ke deıingi somany quraıdy. Kórsetilgen somadan artyq – syıaqy kólemi 10% - dy quraıdy, biraq 4 myń AEK-ten aspaıdy (11 mln 668 myń teńge) Buryn syıaqyny kótermeleýdiń eń joǵary mólsheri 100 aılyq eseptik kórsetkishten (291 myń 700 teńge) aspaıtyn», dedi ol.
