Saıabaq – elorda turǵyndary men qala qonaqtarynyń súıikti demalys ornynyń biri. Mýzeı ǵımaratynyń janynda balalar oınaıtyn jańa zamanaýı alańdar, sahna alańy, Workout alańy, 3 strıtbol alańy bar. Olardyń salynýyna Nursultan Nazarbaev qory muryndyq bolǵan.
Nysandardyń ashylý qurmetine oraı arnaıy merekelik baǵdarlama ótti. Shyǵarmashylyq toptardyń, anımatorlardyń qatysýymen bı men oıyn-saýyq oıyndary uıymdastyryldy.
Nursultan Nazarbaev qorynyń dırektory Darıǵa Nazarbaeva, Nur Otan partııasy Tóraǵasynyń birinshi orynbasary Baýyrjan Baıbek jańa demalys oryndaryn aralady. Turǵyndar men qala qonaqtary olarmen dıdarlasyp, ádemi áserlerimen bólisti.
– Bul óte jaıly jer eken. Uzaq serýendeı bergiń keledi. Balalar da kóńildi. Mundaǵy erekshe sýburqaqtar men oıyn alańdary adamdy ózine baýraıdy, – deıdi qala turǵyny Aınur Jaqypova.
Al alystan at terletip kelgen Lázzat Amanbaeva bolsa, astananyń kúnnen-kúnge osylaı kórkeıip kele jatqanyna dán rıza.
«Qaraǵandydan ápkeme qonaqqa kelgenmin, ol osynda serýendeýdi usyndy. Bul jer maǵan unady. Munda bári yńǵaıly ári ádemi. Ártúrli alańy bar saıabaq balalarǵa da, sportsúıer qaýymǵa da, qarttarǵa da unaıdy dep oılaımyn», deıdi L.Amanbaeva.
Búginde saıabaq salýdyń birinshi kezeńi aıaqtaldy. Balalar men eresekterdiń bos ýaqytyn tıimdi ótkizýine barlyq jaǵdaı bar. Áli de abattandyrý jumystary jalǵasady. Ekinshi kezeńde aǵash otyrǵyzý josparlanǵan, arnaıy velo jáne jarys joly jasalady. Qys mezgilinde aýmaqta muz aıdyny men shańǵy trassasy paıda bolady.
