– Tárkilengenderdiń qatarynda tegis uńǵyly, elektrlik jáne qoldan jasalǵan qarý-jaraq bar. Jedel-aldyn alý is-sharasyn ótkizý barysynda oblys polıseıleri turǵylyqty jeri boıynsha 3 995 jeke qarý ıelerin tekserip, 126 ákimshilik quqyq buzýshylyqty anyqtady. Eń kóp taralǵan buzýshylyqtardyń biri azamattyq qarýdy saqtaý tártibin buzý boldy. Bul erejeni 115 qarý ıesi elemegen, olardyń barlyǵy ákimshilik jaýapkershilikke tartyldy. Endi olarǵa 10 AEK kóleminde aıyppul tóleýge týra keledi, – dedi Pavlodar oblysy Polısııa departamenti Ákimshilik polısııa basqarmasynyń bastyǵy Nurjan Tańatarov.
Sonymen qatar 11 qarý ıesi azamattyq jáne qyzmettik qarýdy tirkeý (qaıta tirkeý) tártibin buzdy, taǵy jeti qarý ıesi qarýdy zańsyz ıemdengeni, bergeni jáne saqtaǵany úshin jazalandy. Mysaly, 26 mamyrda saǵat 10:00 shamasynda Krıvenko kóshesindegi úıdiń aýlasynda 46 jastaǵy pavlodarlyqtan elektroshoker tárkilendi.
Ýspen aýdanynda saǵat 01:45-te Aqsý qalasy turǵynynyń basqarýyndaǵy Toyota avtokóliginen elektroshoker alyndy. Oblys ortalyǵynyń 39 jastaǵy turǵynynyń sómkesinen BLOW Compact markaly travmatıkalyq tapansha tárkilendi.
Tekserý kezinde polısııa bazasynda er adamnyń azamattyq qarý ıesi emestigi anyqtaldy. Barlyq alynǵan qarýlar boıynsha saraptama taǵaıyndaldy.
Esterińizge sala keteıik, «Qarý-2021» jedel-aldyn alý sharasy 2021 jyldyń 17 maýsymyna deıin jalǵasady. Osyǵan baılanysty quqyq qorǵaý organdary azamattardan qyraǵylyq pen belsendi azamattyq ustanym tanytýdy suraıdy.
