Motosıklmen 170 eldi aralaǵan saıahatshy referendýmda daýys berdi

10 ret

kórsetildi

1 mın

oqý úshin

Ile aýdanyna qarasty Baıserke aýylyndaǵy №360 saılaý ýchaskesinde erekshe ári áserli kórinis oryn aldy. №360 referendým ýchaskesine 8 baıker arnaıy kelip, azamattyq boryshtaryn oryndap, daýys berdi, dep habarlaıdy Egemen.kz.

Qyrmyzy JUMAǴALIQYZY

Motosıklmen 170 eldi aralaǵan saıahatshy referendýmda daýys berdi

Bul oqıǵa saılaýdyń belsendi ári qyzyqty atmosferasyn qalyptastyrdy. Baıkerler tobynyń qatarynda, dostaryn qoldap kelgen, álemdi motosıklmen aralap júrgen tanymal saıahatshy Dmıtrıı Petrýhın de boldy. Ol óziniń saıahattary arqyly Qazaqstannyń atyn álemge tanytyp júrgen tulǵalardyń biri.

Almatydaǵy saılaý ýchaskeleriniń birine «barys Ádilet» keldi

Búgingi kúnge deıin Dmıtrıı Petrýhın álemniń bes qurlyǵynda bolyp, motosıklmen 400 myń shaqyrymnan astam jol júrip ótken. Ol 15 jyldyq saıahat barysynda 170 eldi aralap úlgergen. Onyń saparlary tek jeke qyzyǵýshylyq emes, sonymen qatar mádenı baılanystardy nyǵaıtýǵa jáne Qazaqstandy halyqaralyq deńgeıde tanytýǵa baǵyttalǵan.

Almaty oblysynyń turǵyndary referendým ýchaskesine mýltfılm keıipkerleriniń beınesinde keldi

Baıserkedegi № 360 ýchaskede baıkerlerdiń kelýi saılaýshylar úshin de erekshe áser qaldyrdy. Olar azamattyq jaýapkershiliktiń mańyzdylyǵyn kórsetip, belsendi qatysýdyń úlgisin kórsetti. Bul oqıǵa Baıserke aýylyndaǵy saılaý kúnine ózgeshe reńk berip, turǵyndardyń kóńilinde jarqyn áser qaldyrdy.