Olarǵa ákimshilik hattama toltyrylyp, 5 mln teńgege jýyq aıyppul salyndy. О́ńirde zańsyz balyq aýlaýshylarmen eki aıdan beri kúres júrip jatyr. Bul sharaǵa Mańǵystaý men Atyraýdyń shekarashylary atsalysýda. Birlesken jumystyń arqasynda 500-ge jýyq bekire tuqymdas balyq, 11 myń qara balyq teńizge qaıtadan jiberildi.
Sonymen qatar uzyndyǵy 250 shaqyrymdy quraıtyn tor tárkilenip, brakonerlerdiń qarmaǵyna ilikken 21 ıtbalyq qutqaryldy. Shekarashylar memleketke keletin 1 mlrd teńge shyǵynnyń aldyn aldy.
«Búgingi kúni brakoner sany azaımaı jatyr. Soǵan sáıkes ári qaraı Polısııa departamentine, ınspeksııaǵa shekara qyzmetinen kómek bolady. Jalpy, zańbuzýshylar Qazaqstannyń azamattary, Mańǵystaý men Atyraý oblysynyń turǵyndary. Brakonerler qos matorly qaıyqpen shyǵyp, shekara katerlerinen qashyp kete almaıdy», deıdi QR UQK Shekara qyzmetiniń MOB jaǵalaý kúzet basqarmasynyń bastyǵy Talǵat Tórebaev
