Ekologııa • 31 Mamyr, 2021

«Bekire» aksııasy Memleketke 9 mlrd teńge zalal keltirýdiń aldyn aldy

383 ret

kórsetildi

1 mın

oqý úshin

Atyraý, Mańǵystaý jáne Batys Qazaqstan oblystarynyń sý aıdyndarynda jáne Qazaqstan Respýblıkasynyń Kaspıı teńizindegi irgeles aýmaqtyq sýlarynda bıologııalyq ártúrlilikti saqtaý maqsatynda 2021 jylǵy 1 sáýirden bastap Qazaqstan Respýblıkasy Ulttyq qaýipsizdik komıteti Shekara qyzmetiniń, Ishki ister mınıstrligi men Ekologııa, geologııa jáne tabıǵı resýrstar mınıstrliginiń aýmaqtyq bólimsheleri bekire jáne basqa da balyq túrleriniń ýyldyryq shashý kezeńinde «Bekire» keń aýqymdy balyq qorǵaý aksııasyn ótkizdi, dep habarlaıdy Egemen.kz.

Egemen Qazaqstan

«Bekire» aksııasy Memleketke 9 mlrd teńge zalal keltirýdiń aldyn aldy

Shekara vedomstvosynan aksııaǵa UQK Shekara qyzmetiniń Atyraý jáne Mańǵystaý oblystary boıynsha departamentteri qatysýda.

UQK baspasóz qyzmetiniń habarlaýynsha, 2021 jylǵy 28 mamyrdaǵy jaǵdaı boıynsha shekarashylardyń kásibı is-qımylynyń nátıjesinde qylmystyq jáne ákimshilik zańnamany buzýshy 190 adam ustaldy. Olarǵa 4 716 789 teńge somasyna aıyppul salyndy. 250 shaqyrymnan astam brakonerlik aý tárkilendi. 497 bekire tuqymdas balyq jáne jıi toqylǵan aýmen aýlanatyn 11 477 balyq, sondaı-aq 21 Kaspıı ıtbalyǵy tabıǵı mekendeý ortasyna jiberildi. Memleketke 9 mlrd teńgeden astam somaǵa zalaldyń aldy alyndy.

Kaspıı teńiziniń qazaqstandyq bóliginde brakonerlik áreketterdiń azaımaı otyrǵanyn eskere otyryp, vedomstvo Qazaqstan Respýblıkasynyń quqyq qorǵaý jáne tabıǵat qorǵaý organdaryna shekara keńistiginde tabıǵı resýrstar men qorshaǵan ortany qorǵaýda járdem kórsetý boıynsha birlesken is-sharalardy jalǵastyratyn bolady.