Sondaı-aq búgingi tańda Baký (Alıat) - Quryq baǵytynda teńiz tasymalynyń quny 1800 AQSh dollaryna deıin tómendegenin atap ótken jón (buryn tarıf 2400 AQSh dollary bolǵan).
Sonymen qatar 2020 jyly Qazaqstan-Túrkııa kólik qyzmetteri naryǵyndaǵy Qazaqstan tasymaldaýshylarynyń úlesi 18%, Túrkııanyń jáne úshinshi elder tasymaldaýshylarynyń úlesi tıisinshe 56% jáne 26% qurady.
2016 jyly Avtokólik jónindegi aralas komıssııanyń otyrysy barysynda túrik tarapy Túrkııadan Qazaqstanǵa túrik tasymaldaýshylary oryndaıtyn reıster sanynan qazaqstandyq avtokólik quraldarynyń keminde 26%-yn júkteýdi qamtamasyz etý boıynsha mindetteme qabyldaǵan.
Bul rette tranzıttik-kóliktik yntymaqtastyqtyń serpindi damýynyń ajyramas sharttarynyń biri - otandyq tasymaldaýshylardyń júkterdi avtomobılmen halyqaralyq tasymaldaý naryǵyndaǵy básekege qabilettiligin arttyrý jáne sheteldik tasymaldaýshylarmen teń quqyqtyq tepe-teńdik deńgeıin qamtamasyz etý.
Tasymaldaýlar salasynda tepe-teńdikti saqtaý maqsatynda jyl saıyn Taraptar arasynda ruqsat blankilerimen almasýdyń ózara kelisilgen kvotasy belgilenedi.
2021 jylǵa Taraptar arasynda taǵaıyndaý túrleri boıynsha ruqsattama blankilerimen almasý kvotasy belgilengen: Qazaqstan úshin – 11 000 blank, Túrkııa úshin – 12 500 blank.
Osy kvotadan 2021 jylǵy 1 maýsymdaǵy jaǵdaı boıynsha qazaqstandyq tasymaldaýshylar úshinshi elderge/elderden 2137 ámbebap, 3 tranzıttik jáne 1602 ruqsatty paıdalandy.
Túrik tasymaldaýshylary úshinshi elderge/elderden 2787 ámbebap, 5655 tranzıttik jáne 102 ruqsatty paıdalandy.
2021 jylǵy maýsymda Qazaqstan men Túrkııanyń avtotasymaldaýshylar qaýymdastyqtary arasynda kelissózder, sondaı-aq Avtokólik jónindegi aralas Qazaqstan-Túrkııa komıssııasynyń kezekti otyrysyn ótkizý josparlanyp otyr. Onyń barysynda baýyrlas eki el arasyndaǵy ózara tıimdi tasymaldardy júzege asyrý úshin tıisti sheshimder qabyldanady.
