Atalmysh sharanyń maqsaty – esirtki quraldary men psıhotroptyq zattardyń zańsyz aınalymy faktilerin anyqtaý, respýblıkanyń ońtústik óńirleriniń aýmaqtarynda ósetin jabaıy sorany zańsyz jetkizý arnalarynyń jolyn kesý.
Jaz, kúz mezgilderinde quramynda esirtki zattary bar ósimdikter ósip, ónedi. Aınalymǵa da osy ýaqytta ene bastaıdy. Atap aıtsaq, «tetrogıdrokannabınol», ıaǵnı marıhýana, gashısh jasalatyn qarasora babyna keledi eken.
Operasııany júrgizýdiń taǵy bir maqsaty QR QK-niń 300-baby boıynsha quramynda esirtkisi bar ósimdikterdi ósirý jáne QR ÁQBtK-niń 420-babyna sáıkes jabaıy sorany joıýǵa baǵyttalǵan sharalardy qabyldamaý faktilerin anyqtaý..
– Ońtústik óńirlerden jabaıy ósetin sorany jáne basqa da psıhotroptyq, esirtki zattaryn shyǵarý arnalaryn jabý úshin ShQO aýmaǵynda 4 jedel mobıldi top quryldy. Jyl basynan beri ShQO PD Esirtki qylmysyna qarsy is-qımyl basqarmasynyń qyzmetkerleri zańsyz aınalymnan 638 kg túrli esirtki zattaryn tárkiledi. Bes aı kóleminde esirtki zattarynyń zańsyz aınalymyna baılanysty 120 fakt anyqtaldy. Onyń ishinde 91-i satý maqsatynda ekeni anyqtaldy, – dedi ShQO PD bastyǵy Saǵat Madıev.
Keshe bastalǵan «Qarasora-2021» jedel aldyn alý sharasy 30 qazanǵa deıin jalǵasady.
