Oblystyq polısııa departamentiniń málimdeýinshe, ótken túnde saǵat 02:07-de Lomov – Kataev kósheleriniń qıylysynda «Mersedes-Gelendvagen» men «Lada-Kalına» kólikteri soqtyǵysqan.
- Oqıǵa saldarynan 1993 jyly týǵan áıel adam aýrýhanaǵa jatqyzyldy. Atalǵan fakt boıynsha saraptama taǵaıyndaldy. Tekserý júrgizilýde, - dep habarlady polısııa dartamenti.
Oblystyq densaýlyq saqtaý basqarmasy úsh adam zardap shekkenin habarlady.
- 1993 jyly týǵan áıel adam jambas súıekteri, qabyrǵalarynyń synýy jáne keýde jaraqatymen aýrýhanaǵa jatqyzyldy. 1993 jylǵy er adam mıdyń shaıqalýy, bas terisiniń zaqymdanýymen úıde emdelýge jiberildi, - dedi basqarmada.
Sondaı-aq basqarma 1991 jylǵy mas kúıde bolǵan er adam bas terisiniń zaqymdanýymen neırohırýrgııalyq bólimshege jatqyzylǵan, alaıda ol óz erkimen qabyldaý bólimshesinen ketkenin málimdedi.
