© Sputnik / Tımýr Batyrshın
2021 jyldyń basynda Tolybaevany naqty merzimdi bas bostandyǵyn shekteýge aýystyra otyryp, úkimin jeńildetken. Janar Tolybaevanyń aıtýynsha, ony kolonııadan shyǵarǵan aýdandyq sot jábirlenýshi tarapqa onyń ótinishi týraly habarlamaǵan. Ol bostandyqqa shyqqannan keıin Denıs Tenniń týystary shaǵym túsirip, 2021 jyldyń sáýirinde sot sheshimimen Janar Tolybaeva qaıtadan túrmege jabyldy.
Zańǵa sáıkes aýyr qylmys úshin sottalǵan kez kelgen azamat jaza merziminiń 1/3 bóligin ótegennen keıin qalǵan bóligin jazanyń edáýir jeńil túrine aýystyrý týraly sotqa ótinish bildire alady. 2019 jyldyń jeltoqsanynda Tolybaeva osy quqyǵyn paıdalanǵan. Osylaısha 2020 jyly jazasyn bas bostandyǵyn shekteýge aýystyrdy.
Alaıda araǵa bir jyl úsh aı salyp ony qaıtadan túrmege qamady.
Ol qazir balasymen birge Almaty oblysy Jaýǵashty aýylyndaǵy LA-155/4 túzetý mekemesinde jazasyn ótep jatyr.
Aıta keteıik, qazaqstandyq mánerlep syrǵanaýshy Denıs Ten 2018 jyldyń 19 shildesinde urylar qolynan qaza tapty. Sot 2019 jyldyń basynda Denıs Tenniń ólimine qatysty sottalǵandarǵa úkim shyǵardy.
Arman Qudaıbergenov Qylmystyq kodekstiń 188-baby «Urlyq», 192-baby «Qaraqshylyq» jáne 99-baby «Adam óltirý» boıynsha aıypty dep tanylyp, 18 jylǵa sottaldy. Al Nuraly Qııasovqa «Adam óltirý» jáne «Qaraqshylyq» baptary boıynsha 18 jylǵa bas bostandyǵynan aıyrý jazasy kesildi. Janar Tolybaeva 434-bap «Qylmys týraly habarlamaý» boıynsha kináli dep tanyldy. Ol 4 jylǵa bas bostandyǵynan aıyryldy. Is barysynda onyń júkti ekeni belgili boldy.
