Memleket basshylary ekijaqty kún tártibindegi barlyq baǵyt boıynsha qazaq-ózbek qatynastarynyń damý qarqyny joǵary ekenin atap ótti.
Prezıdentter strategııalyq seriktestikti odan ári tereńdetýge nıetti ekenin aıtyp, ózara yqpaldastyqty keńeıtýdiń naqty máselelerin egjeı-tegjeıli talqylady.
Áńgimelesý barysynda Qasym-Jomart Toqaev pen Shavkat Mırzııoev ónerkásip, mashına jasaý, aýyl sharýashylyǵy, kólik salalary boıynsha joǵary deńgeıde qol jetkizgen ýaǵdalastyqtardy tıimdi júzege asyrýdyń mańyzdylyǵyna toqtalyp, eki el úkimetteriniń tyǵyz qarym-qatynas jasaýy qajet ekenine nazar aýdardy.
Memleket basshylary óńirlik kún tártibindegi ózekti máseleler jóninde pikir almasyp, Aýǵanstandaǵy ahýalǵa baılanysty Ortalyq Azııanyń qaýipsizdigi men turaqtylyǵyn kúsheıtý maqsatymen yntymaqtastyqty nyǵaıtýǵa múddeli ekenin naqtylady.
