Turǵyndardyń aıtýynsha, mańyzy bar tas jol aýyr salmaqqa eseptelmegendikten, shydas bermeı oıylyp, keı jerleri kóterilip jatyr eken. Sondyqtan jeńil kólik ıeleri «júrýden qalǵandaryn» aıtady.
«On tonnalyq KamAZ júrse, eshteńe emes qoı. 40 tonnamen de júre beredi. Kerek dese, alpys tonna basyp alady. Osydan keıin joldan ne qalady», deıdi Kerbulaq aýdanynyń turǵyny Qurmanǵazy Nasyrov.
Eki aýdandy baılanystyratyn respýblıkalyq mańyzdaǵy jol keńes ýaqytynda salynǵan.
«Qazir 40-50-men júremiz. Túnde 20-men júremiz. Eki orta 80 shaqyrym. Saryózekten Basshıge deıin eki-úsh saǵat júremiz. Joldy bilmeıtin adamdar urynyp jatyr. Kóliktiń astyn tesip jatyr. Biletin adamnyń ózi tesedi. Kebireýler joldan shyǵyp ketip jatyr», deıdi júrgizýshi Qanat Shepenov.
Alaıda merdigerler qurylysty bastaǵanymen, is aıaqsyz qalǵan. Joldyń buzylýyna júk kólikteriniń áser etkenin zaýyt ókilderi de ishinara moıyndap otyr. Sol sebepti olar qarjy qarastyryp myń sharshy metr asfaltty qalpyna keltirmek oılary bar.
