Qazaqstan • 04 Maýsym, 2021

Qazaqstanǵa Úndistannan kelgender karantınge jatady

42 ret kórsetildi

Qazaqstannyń bas sanıtar dárigeriniń 2021 jylǵy 30 sáýirdegi №19 qaýlysyna ózgeris engizildi, dep habarlaıdy Egemen.kz.

Qujatta Qazaqstanǵa Údistannan kelgen jáne sońǵy 14 kún ishinde sonda bolǵan adamdardy 14 kúnge úıde oqshaýlaý kerektigi aıtylǵan.

«Úı karantınine oqshaýlaý PTR-testiń teris nátıjesi bar anyqtamanyń jáne COVID-19-ǵa qarsy vaksınasııanyń bolǵanyna qaramastan júrgiziledi», dep jazylǵan Qaýlyda.

Sondaı-aq Qazaqstan Respýblıkasyna shetelden avıareıstermen, temirjolmen, tranzıtpen, teńiz jáne ózen kóligimen, avtkólikpen keletin adamdarǵa qatysty is-sharalar tártibine de ózgeris engizildi. Kelýshilerdi ertip júretin adamdarda merzimi 3 kúnnen aspaǵan PTR- anyqtama bolýy kerek.

Tek alyp júretin adamdarda anyqtama bolǵan jaǵdaıda 5 jasqa deıingi balalarǵa, sondaı-aq qujattamalyq rastaýdy usynǵan kezde COVID-19-ǵa qarsy vaksınalaýdyń tolyq kýrsyn alǵan azamattarǵa anyqtama usyný talap etilmeıdi.

Sońǵy jańalyqtar

Uqsas jańalyqtar