Atalǵan aksııa QR Táýelsizdiginiń 30 jylǵy mereıtoıyna oraı ótkizildi. Sondaı-aq, osy mereıtoı aıasynda maýsym patrıotızm aıy bolyp belgilendi.
Aksııa barysynda qazaqstandyq jastardyń jasampazdyq jáne rýhanı-adamgershilik damýyna baǵyttalǵan jastardyń Patrıottyq aktisi jarııalanyp, qabyldandy.
Belsendiler Táýelsizdiktiń urpaǵy jáne qurdasy bola otyryp, Táýelsiz Qazaqstannyń jetistikterin tereń qurmetteýge jáne Otanymyzdyń órkendeýine septigin tıgizý maqsatynda aǵa býynnyń jasampaz bastamalaryn jalǵastyrýǵa shaqyrdy.
Is-sharaǵa respýblıkalyq jastar uıymdarynyń: Qazaqstan halqy Assambleıasy janyndaǵy «Jańǵyrý joly» respýblıkalyq jastar qozǵalysy, «Nur Otan» partııasynyń «Jas Otan» Jastar qanaty, «Qazaqstan jastary Kongresi», Qazaqstan Respýblıkasy Prezıdentiniń «Bolashaq» halyqaralyq stıpendııasy stıpendıattary qaýymdastyǵy, «Jas ulan» respýblıkalyq balalar-jasóspirimder uıymy, Qazaqstan Stýdentter alıansy, Qazaqstan KVN Odaǵynyń basshylary men ókilderi qatysty.
Is-shara áleýmettik jelilerde tikeleı efırde kórsetildi.
Jastar uıymdarynyń aımaqtyq fılıaldary men jastar resýrstyq ortalyqtary da aksııany qoldady jáne ony arnaıy #Meniń rámizderim; #Meniń Týym; #Meniń Qazaqstanym; #Rámizder kúni heshtegter arqyly nasıhattady:
Memlekettik rámizder kúnine oraı túrli formattaǵy 400-ge jýyq is-shara: patrıottyq aksııalar, sporttyq jarystar men týrnırler, kitap kórmeleri, chellendjder, sýret baıqaýlary, taqyryptyq kezdesýler, onyń ishinde 170-ten astamy onlaın-formatta ótti.
