ANTIKOR • 05 Maýsym, 2021

ANTIKOR basshysy BUU Bas Assambleıasynyń 32-shi arnaıy sessııasynda sóz sóıledi

86 ret kórsetildi

ANTIKOR tóraǵasy Marat Ahmetjanov BUU Bas Assambleıasynyń 32-shi arnaıy sessııasynda sybaılas jemqorlyqtyń aldyn alý, oǵan qarsy kúres jáne halyqaralyq yntymaqtastyqty kúsheıtý salasyndaǵy syn-qaterler men sharalar boıynsha sóz sóıledi, dep habarlaıdy Egemen.kz.

BUU Bas Assambleıasynyń sybaılas jemqorlyqqa qarsy arnaıy sessııasy alǵash ret ótýde.

Marat Ahmetjanovtyń aıtýynsha, Táýelsizdik jyldary Qazaqstanda sybaılas jemqorlyqqa qarsy is-qımyl máselelerinde eleýli jumys júrgizilgenin atap ótti. Iske asyrylǵan sharalardyń arqasynda Qazaqstan eki jyl ishinde Dúnıejúzilik Banktiń sybaılas jemqorlyqty baqylaý ındıkatory boıynsha kórsetkishin eki eseden astam jaqsartty, Transparensı Interneshnl sybaılas jemqorlyqty qabyldaý ındeksi boıynsha ósim 30 oryndy qurady.

ANTIKOR basshysy óz sózinde, sybaılas jemqorlyqqa qarsy is-qımyl salasyndaǵy jumystyń tıimdiligin arttyrý boıynsha jumys jalǵasýda.

Máselen, búginde sybaılas jemqorlyqqa qarsy bastamalar – elimizde júrgizilip jatqan aýqymdy ózgeristerdiń bir bóligi. Bir jaǵynan, qaýipsiz qylmystardy alǵash ret jasaǵandarǵa Zańnyń repressıvtiligi tómendese, ekinshi jaǵynan, sybaılas jemqorlyqty qosa alǵanda, aýyr, áleýmettik qaýipti áreketter úshin jaýapkershilik kúsheıtiledi.

Sondaı-aq, bıyldan bastap qylmystyq qýdalaý organdary túbegeıli jańa jaǵdaılarda jumys isteıdi. Atap aıtqanda, EYDU elderiniń tájirıbesi boıynsha qylmystyq prosestiń úsh býyndy modeli engizildi. Jınalǵan dáleldemeler prokýror tarapynan táýelsiz baǵalanady, onyń kelisiminsiz eshqandaı negizgi is júrgizý sheshiminiń zańdy kúshi bolmaıdy.

Qorytyndylaı kele, M.Ahmetjanov Qazaqstan sybaılas jemqorlyqty onyń barlyq nysandarynda joıý baǵytyn ustanatynyn jáne barlyq múddeli taraptarmen yntymaqtastyqqa daıyn ekenin atap ótti.

BUU Bas Assambleıasynyń arnaıy sessııasynyń plenarlyq otyrystarynda BUU-nyń Sybaılas jemqorlyqqa qarsy konvensııasyna múshe memleketter men ÚEU ókilderiniń, sondaı-aq bas Assambleıadaǵy baqylaýshylardyń baıandamalary kútilýde.

Is-shara qorytyndylary boıynsha naqty is-qımylǵa baǵdarlanǵan saıası deklarasııany qabyldaý josparlanýda. Atalǵan qujattyń jobasynda sybaılas jemqorlyqqa qarsy is-qımyldyń keshendi tásilin qamtamasyz etýge, halyqaralyq qoǵamdastyqtyń birlesken kúsh-jigerin qabyldaýǵa jáne parasattylyqty, ashyqtyq pen eseptilikti ilgeriletýge erekshe nazar aýdarylǵan.

Is-shara 2-4 maýsym aralyǵynda Nıý-Iork qalasynda (AQSh) onlaın formatta ótti.

BUU

Sońǵy jańalyqtar

Amanatqa adaldyq

Ádebıet • Keshe

Jantórın jańalyǵy

Kıno • Keshe

Azattyq úshin arpalysqan

Tarıh • Keshe

Dıllıan Ýaıt qaharyna mindi

Kásipqoı boks • Keshe

Uqsas jańalyqtar