«Qazirgi tańda transshekaralyq sý resýrstaryn paıdalaný máselesinde belsendi yntymaqtastyq ornady. Sý qatynastary salasyndaǵy yntymaqtastyq máseleleri jónindegi Jol kartasy iske asyrylyp jatyr. Bul baǵyttaǵy ózara baılanysta Transshekaralyq sý nysandaryn birlesip basqarý, qoldaný jáne saqtaý týraly kelisimdi kelisý jumystaryn aıaqtaýdyń mańyzy zor», dedi Máýlen Áshimbaev. Palata spıkerleri halyqaralyq arenadaǵy parlamentaralyq yntymaqtastyq máselelerin de sóz etti.
Biz úshin halyqaralyq uıymdarda bir-birimizdi qoldap, kelisip áreket etý máselesi de mańyzdy. EQYU, PAO jáne basqa da alańdar aıasynda osyndaı qaǵıdany qoldanýdyń áseri mol dep esepteımiz», dedi Qazaqstan Senatynyń tóraǵasy. Is-shara sońynda suhbattasýshylar qos memlekettiń barlyq saladaǵy senimdi jáne belsendi dıalogy aldaǵy ýaqytta da ekijaqty qatynastardyń dáıekti damýyna serpin beretinin atap ótti.
Sonymen qatar búgin Máýlen Áshimbaev Tashkent qalasyndaǵy «Tehnopark» ónerkásiptik kásiporyndar tobynyń qyzmetimen tanysty. Bul jerde ónerkásiptik ónimder shyǵaratyn ondaǵan kompanııa jumys isteıdi.
