Oqıǵa • 07 Maýsym, 2021

Túrkistanda taý shatqalynda adasyp ketken úsh adam qutqaryldy

74 ret kórsetildi

Túrkistan oblysynda taý shatqalynda adasyp ketken úsh adam qutqaryldy. Bul týraly Túrkistan oblysy TJD baspasóz qyzmeti málim etti, dep habarlaıdy Egemen.kz.

Altynshy maýsym kúni saǵat 21.00 shamasynda Túrkistan oblysy Tólebı aýdanynda ornalasqan Birkólik shatqalyndaǵy sarqyramaǵa bet alǵan úsh jigit adasyp ketken. Jigitterdiń adasyp ketkeni týraly habarlama 6 maýsym kúni saǵat 15.40-ta Túrkistan oblysy Tólebı aýdanynyń órt sóndirý qyzmetine kelip túsken.

Úsheýi de birge demalýǵa kelgen Saryaǵash aýdanynyń turǵyndary ekeni anyqtalyp otyr. Odan bólek, taý shatqalynda adasyp ketkenderdiń 1994 jyly týǵan, 1993 jyly týǵan jáne 1994 jyly týǵan jigitter ekeni belgili bolǵan.

Qutqarýshylar tikushaqpen izdeý jumystaryn júrgizdi. Nátıjesinde saǵat 17.25-te adasyp ketken jigitter tabylyp, qutqarylǵan. Jarty saǵattan soń olar Shymkent qalasyndaǵy áýejaıǵa jetkizilgen.

Taý shatqalyna demalysqa baryp adasyp ketkenderdiń aıtýynsha, demalýshylar Birkólik shatqaly baǵytyndaǵy taýlarǵa sarqyramaǵa deıin baryp, adasyp ketken. Qaıtyp kele jatqanda olardyń bireýi aýyryp qalyp jáne olar ózdiginen taýdan túse almaıtynyn túsingen.

«Saǵat 16:33-te zardap shekkenderdi qutqarý úshin jedel shtabtan Tótenshe jaǵdaılar mınıstrliginiń «Qazavıaspas» AQ Mi-8AMT UP-MI871 ushaǵy jáne Túrkistan obylysy Tótenshe jaǵdaılar departamenti basshysynyń orynbasary, podpolkovnık E. Sarybaev, jedel qutqarý jasaǵynan 6 qutqarýshy jiberilgen. 17:25-te tikushaqpen izdeý jumystary kezinde úsh adam tabylyp, qutqaryldy. Keshki saǵat 17:55-te qutqarylǵan adamdar Shymkent qalasynyń áýejaıyna jetkizildi», delingen habarlamada.

Sońǵy jańalyqtar

Demalys kúnderi aýa raıy qandaı bolady

Aýa raıy • Búgin, 13:38

Reseıde oq-dári qoımasy órtendi

Oqıǵa • Búgin, 11:50

Búgingi valıýta baǵamy

Qarjy • Búgin, 10:17

Elimizde 9,5 mln adam ekpe saldyrdy

Koronavırýs • Búgin, 09:49

COVID-19: Elimizde 1338 adam emdelip shyqty

Koronavırýs • Búgin, 09:08

Qaıta kesilgen tusaý

Aımaqtar • Búgin, 08:58

Boz kilemde – burymdylar

Sport • Búgin, 08:55

«Barys» jeńiske jetti

Sport • Búgin, 08:54

Elenanyń ekpini kúshti

Sport • Búgin, 08:53

Halyqaralyq olımpıadada olja saldy

Aımaqtar • Búgin, 08:50

«Spartak» kimmen aıqasady?

Sport • Búgin, 08:48

Tursynǵalı týrnıri

Sport • Búgin, 08:46

Júldegerler marapattaldy

Sport • Búgin, 08:45

Uqsas jańalyqtar