О́tken demalys kúnderi Nur-Sultannyń barlyq aýdanynda karantın talaptary buzylǵany anyqtaldy.
Máselen, ótken táýlikte, ıaǵnı 6 maýsymda monıtorıngtik toptar 10 mekemeni ákimshilik jaýapkershilikke tartty.
Almaty aýdany Nájimedenov kóshesi, 14 mekenjaıyndaǵy «Panaehalı» barynda karantın buzylǵany anyqtaldy. Sol sııaqty Baıqońyr aýdanynda Kenesary kóshesi, 65 mekenjaıynda ornalasqan «S kaıfom» laýndj bary sanepıdemıologııalyq normalardy buza otyryp jumys istegen.
Al Esil aýdanynda birden 7 oıyn-saýyq mekemesi karantın rejımin buzdy. Saryarqa aýdanynda Respawn kompıýterlik klýby bas sanıtarlyq dárigerdiń qaýlysyna qaramastan saǵat 23:00-den keıin jumys istedi.
Jınalǵan materıaldar tıisti sharalar qabyldaý úshin aýdandyq sanıtarlyq-epıdemıologııalyq baqylaý basqarmasyna tapsyryldy.
Esterińizge sala keteıik, Nur-Sultan epıdemıologııalyq jaǵdaıdy baǵalaý matrısasy boıynsha «qyzyl» aımaqqa engenine úshinshi aı boldy. Qaladaǵy epıdemıologııalyq jaǵdaı turaqsyz bolyp qalýda. Sondyqtan elorda turǵyndary men qonaqtary, kásipkerlik nysandary koronavırýstyq ınfeksııanyń odan ári taralýyn boldyrmas úshin sanıtarlyq normalar men karantın talaptaryn qatań saqtaýy tıis.
