«Halyqtan alańdamaýyn suraý kerek. Birinshi kezekte, ázirleýshi, ıaǵnı biz 60 jyldan beri vaksına ázirleýmen aınalysyp kelemiz. Biz sapasyz preparatty jappaı qoldanýǵa jibere sala almaımyz. Bul vaksına zerthanalyq janýarlarǵa egjeı-tegjeıli klınıkaǵa deıingi zertteýlerden ótti. О́zimiz osy vaksınany saldyq. Vaksınanyń zııany joǵy anyqtaldy. Onyń ımmýnogendik belsendiligi bar. Iаǵnı, koronavırýs ınfeksııasynan qorǵaıdy», dedi Qutymbetov.
Muny koronavırýs ınfeksııasynyń qozdyrǵyshyna, atap aıtqanda SARS-CoV-2-ge qarsy naqty antıdenelerdi anyqtaý boıynsha zerthanalyq taldaýlar rastaıtyny habarlandy.
«Bul juqpaly vırýsqa qarsy belgili bir jolmen denelerdi, qan sarysýyn anyqtaýda aıqyndalady. Onyń kóbeıý qabiletin, patogendik qasıetteri men vaksına salǵanda paıda bolǵan antıdenelerdi qanshalyqty beıtaraptandyratyny anyqtalady», dedi ol.
Ol Medsupportkz-tiń statıstıkalyq málimetter joq jáne ázirleýshiler óndiris prosesi týraly aqparatty ashýdan bas tartatyny týraly málimdemesine jaýap berdi.
«Eń senimdi derekter - klınıkalyq zertteýler nátıjeleri boıynsha esep. Klınıkalyq zertteýlerdiń birinshi kezeńi ótti, klınıkalyq zertteýlerdiń ekinshi kezeńi adamdarǵa boldy. Bul zertteýlerdi biz júrgizgen joqpyz, biz tek zertteý barysyn baqyladyq. Klınıkalyq zertteýlerdi zertteýshiler men dárigerler júrgizedi. Biz olarǵa zertteý hattamasyn beremiz. Soǵan sáıkes olar zertteý júrgizedi. Biz olardyń pikirin teris nemese jaǵymdy jaqqa bura almaımyz. Olar vaksına týraly beıtarap qorytyndy jasaıdy», dedi ǵalym.
Buǵan deıin Medsupportkz qaýymdastyǵynyń ǵalymdary men dárigerleri koronavırýsqa qarsy qazaqstandyq vaksınany alýǵa keńes bere almaıtynyn málimdegen bolatyn.
