El boıynsha 2 myńnan asa baladan mýltıjúıelik qozdyrǵysh sındrom (MIS-C) anyqtalǵan. Qazir aýrýdan zardap shekken balanyń 70 paıyzyna ıntensıv terapııa qajet.
MIS-C kóbine 5-15 jas aralyǵyndaǵy balalarda koronavırýs juqtyrǵannan keıin eki-alty apta aralyǵynda anyqtalyp jatyr. Bastapqyda dene qyzýy kóterilip, artynsha organdar qabyna bastaıdy.
«Saldarynan júrek, tynys alý jáne búırek jetkiliksizdigi bolýy múmkin. Aýrýdan aıyqqan balanyń jaǵdaıy onyń músheleri qanshalyqty zaqymdanǵanyna baılanysty bolady. Ony erte kezden anyqtaǵan durys», deıdi Delıdegi ledı Hardındj medısınalyq kolledjiniń pedıatrııa bóliminiń dırektory Harısh Pemde.
Zertteý nátıjesi boıynsha koronavırýspen baılanysty MIS-C sındromy anyqtalǵan balalarda nevrologııalyq belgiler baıqalǵan. Kóbine bas aýrýy sekildi belgi de bolǵan. Biraq balalarda gallıýsınasııa jáne sińirdiń tartylýy sekildi qaýipti belgiler baıqala bastaǵan.
Bastapqyda MIS-C Kavasakı aýrýymen baılanysty dep eseptelgen.
Aıta keteıik, Kavasakı alǵash byltyr sáýirde Ulybrıtanııa, Italııa jáne Ispanııada anyqtalǵan.
О́zge de sımptomdardan: bórtpe, konıýnktıvıt, gıpotonııa ne shok jáne koagýlopatııa belgileri baıqalǵan. Emdeý kezinde ımmýnoglobýlınmen emdeý jáne kortıkosteroıdtar qoldanylyp jatyr. Sındrom sırek kezdeskenimen, bala úshin ol vırýstan da qaýipti bolýy múmkin.
