Qoǵam • 08 Maýsym, 2021

Aıda Balaeva Qazaqstannyń medıa salasyndaǵy ózgerister týraly aıtty

109 ret kórsetildi

Aqparat jáne áleýmettik damý mınıstri Aıda Balaeva Qazaqstannyń medıa salasyndaǵy aldaǵy ózgerister týraly aıtty, dep habarlaıdy Egemen.kz.

«Memlekettik saıasattyń basty qaǵıdasy búginde – bul turaqtylyq, júıelilik jáne sabaqtastyq ekenin eske salamyn. Meniń mindetim – izasharlarym bastaǵan jobalar men jańashyldyqtardy jalǵastyrý, prezıdent jarııa etken reformalarmen úılesetin óz bastamalarymdy usyný, oń dúnıelerdi jaqsartyp, kem-ketikterdi túzetý.

Men jańa basshynyń kelýimen qandaı da bir memlekettik qurylym jahandyq ózgeristerge ushyraýy kerek dep sanamaımyn», dedi mınıstr.

Aıda Balaeva Otandyq medıadaǵy basty ózgerister: memlekettik aqparattyq tapsyrysty reformalaý, aqparattyq jáne azamattyq qoǵam salasynda jańa zańdar qabyldaý jáne jýrnalısterdi oqytý jobalary ekenin atap ótti.

«Dese de eń mańyzdylardyń biri sanalatyn jáne aqparat salasyn damytýǵa ǵana emes, áleýmettik quramy bar, ulttyq qaýipsizdiktiń keıbir máselelerin sheshetin bir jumysty atap ótkim keledi. Naqtyraq aıtsaq, 2021 jyldyń sońyna deıin Qazaqstannyń shekara mańy óńirlerinde 107 radıo taratqysh ornatylady. Bul Qazaq radiosy men Shalqar radıosynyń habar taratýyna múmkindik beredi. Sonyń arqasynda 630 myńnan astam halqy bar, Túrkistan, Jambyl jáne Shyǵys Qazaqstan oblystarynyń shekara mańy aýmaǵyndaǵy 400-den asa aýyl otandyq radıony tyńdaıdy. Al jalpy Jol kartasyn júzege asyrý aıasynda 2025 jylǵa qaraı shekara mańy óńirlerinde turatyn halyqtyń 95%-y radıobaǵdarlamalarmen qamtylady.

Bul óńirlerde uzaq jyldar boıy tek qytaı, reseı jáne ózbek radıosy habar taratqanyn eskersek, shekaralas aýmaqtardy otandyq radıosıgnaldarmen qamtý jobasy strategııalyq mańyzǵa ıe», dep málimdedi mınıstr.

Sondaı-aq qazir pandemııaǵa baılanysty týyndaǵan keıbir qıyndyqtarǵa qaramastan, beıindi joǵary oqý oryndarymen (L.N.Gýmılev atyndaǵy Eýrazııa ulttyq ýnıversıteti, Ál-Farabı atyndaǵy Qazaq ulttyq ýnıversıteti, Halyqaralyq aqparattyq tehnologııalar ýnıversıteti, S.D.Asfendııarov atyndaǵy Qazaq ulttyq medısına ýnıversıeti) etene yntymaqtasa jumys istep jatqanyn, stýdentterge eldiń úzdik redaksııalarynda praktıkadan ótýge múmkindik berip, otandyq jáne Túrkııa, Ulybrıtanııa, Reseı sııaqty sheteldik jýrnalıstıkanyń korıfeılerimen semınar ótkiziletinin atap ótti.

Mınıstrdiń aıtýynsha, jyl basynan beri medısına, dinı jáne ekologııa jýrnalıstıkasy boıynsha úsh oqytý kýrsy ótkizilip, eldiń barlyq óńirinen 4 myńǵa jýyq adam qamtyldy. Bul bolashaqta keńeıtilip, jetildiretin uzaq merzimdi jobalar.

«Qazaqstan azamattary óz Otanyn damytýǵa úles qosady, áleýmettik jáne azamattyq jaýapkershilik artyp keledi, joǵary oqý oryndarynyń stýdentteri úzdik álemdik standarttar boıynsha memlekettik tilde oqý múmkindigine ıe, eldiń qasıetti jerlerine baratyn adamdar sany artýda.

Bıyl «Rýhanı jańǵyrý»baǵdarlamasyn ulttyq jańǵyrý kezeńine kóshirý jol kartasy bekitildi. Josparlanǵan sharalar men jobalar jas erekshelikterine saı ázirlendi, maqsaty – baǵdarlama mazmunyn halyqtyń túrli toptaryna jetkizý», dedi Aıda Balaeva.

Sońǵy jańalyqtar

Elorda «jasyl» aımaqqa ótti

Koronavırýs • Keshe

Uqsas jańalyqtar