Oblystyq PD-nyń málimetinshe, polıseıler Qostanaı qalasynda ótip jatqan «Qarasora-2021» jedel aldyn alý sharasy aıasynda «Vaz-21099» kóligin toqtatqan. Kólikti tekserý barysynda artqy oryndyqtan ósimdik tárizdi zat salynǵan eki polıetılen qapshyq tabylǵan. Tártip saqshylary kúmándi qapshyqty tárkilenip alyp, saraptamaǵa jiberedi.
«Hımııalyq-sot saraptamasyna sáıkes, qapshyqtyń ishindegi belgisiz zattardyń marıhýana ekeni anyqtaldy. Eki qapshyqqa salynǵan esirtkiniń jalpy salmaǵy 80 kılonyń ústinde», dedi oblystyq PD esirtki qylmysyna qarsy kúres basqarmasynyń bastyǵy, polısııa polkovnıgi Asylbek Álmaǵambetov.
Qazir kúdikti qamaýǵa alynyp, oǵan qatysty sotqa deıingi tergeý sharalary bastaldy.
Basqarma basshysynyń aıtýynsha, oblysta jyl basynan beri 95 kılo marıhýana jáne 449 gramm sıntetıkalyq esirtki zattary zańsyz aınalymnan alynǵan.
