Onlaın jıyn barysynda megapolıstegi qazirgi epıdemıologııalyq ahýal, karantındik shekteýlerdiń saqtalýyn júzege asyrý máseleleri qaraldy. Almaty qalasy Sanıtarııalyq-epıdemııalyq baqylaý departamentiniń basshysy, qalanyń memlekettik bas sanıtarlyq dárigeri Jandarbek Bekshın indetti juqtyrý deńgeıi tómendegenin málim etti.
Onyń aıtýynsha, táýlik ishinde koronavırýstyń 184 jaǵdaıy tirkeldi. Sonymen qatar, sońǵy 7 kúnde sımptomdy naýqastardyń úles salmaǵy ótken jylǵy 50%-ben salystyrǵanda 83,2%-dy qurady. Bul joǵary patogendi mýtasııaly COVID-19 shtamynyń qoǵamda taralǵanyn kórsetedi.
Naýqastardyń 21% – túrli JShS, JK, AQ qyzmetkerleri. Sondyqtan vırýstyń taralýyn boldyrmaý jáne shaǵyn jáne orta bıznes kásiporyndary jabylmaýy úshin vaksına saldyrý qajet. Anyqtalǵandaı koronavırýs adamdar kóp shoǵyrlanatyn jáne sanıtarlyq-epıdemııalyq normalar saqtalmaıtyn jerlerde, sondaı-aq qoǵamdyq oryndarǵa barý saldarynan tarap otyr. Olar – bazarlar, saıabaqtar, demalys oryndary, saýda, oıyn-saýyq ortalyqtary jáne taǵy basqalary.
Mysaly, azyq-túlik bazarlarynda juqtyrý 8,9%-ǵa, azyq-túlik dúkenderinde – 8,9%-ǵa, SOSO men SÚ-de – 6,3%-ǵa ósken. Osyǵan oraı ahýaldy ári qaraı turaqtandyrý úshin qala ákimniń orynbasary Erjan Babaqumarov adamdar kóp jınalatyn jerlerde monıtorıngilik toptardyń jumysyn kúsheıtý qajettigine nazar aýdardy.
Atap aıtqanda, bazarlarda, vokzaldarda, áýejaı aýmaǵynda, sondaı-aq jazǵy kezeńdi eskere otyryp, fontandardyń janynda, saıabaqtar men alańdarda.
Sanıtarlyq patrýlderdiń jumysyn uıymdastyrýǵa qatysty jeke tapsyrmalar berildi.
Almaty ákimdigi qala turǵyndary men qonaqtaryn sanıtarlyq sharalardy saqtaýǵa shaqyrady. О́ıtkeni ınfeksııanyń jańadan órshý qaýpi joǵary, onyń ishinde COVID-19 mýtasııalanǵan shtamdary tez enýi múmkin.
Betperde taǵý rejımin, áleýmettik qashyqtyqty saqtaý, adamdar kóp jınalatyn jerlerden aýlaq bolý, sondaı-aq medısınalyq qarsy kórsetilimder bolmasa, COVID-19 vaksınasyn alý óte mańyzdy. Shtab otyrysynda monıtorıngilik toptardyń jumysy da qaraldy. Almatyda jyl basynan beri olar 2 600-den astam tekserý júrgizdi, 24 myńǵa jýyq nysannyń karantındik sharalardy saqtaýy tekserildi, 2200-den astam zań buzýshylyq faktileri anyqtaldy. Zańdy jáne jeke tulǵalarǵa jalpy somasy 320 mln teńge aıyppul salyndy.
Karantındi qasaqana buzýshylar jaıly 75 materıal sotqa berildi, olardyń 54-i boıynsha sheshim qabyldandy. Osy aptada, 31 mamyr – 4 maýsymǵa deıingi aralyqta qalada 815 nysan tekserildi, anyqtalǵan buzýshylyqtar boıynsha 6,2 mln teńgege 56 hattama toltyryldy.
Qala ákiminiń orynbasary Erjan Babaqumarov Ashyq jobasyna qatysty shekteý sharalaryn kúsheıtip, betperde rejımi men áleýmettik qashyqtyqty saqtaý qajettigin aıtty. Búginde osy joba aıasynda Almatyda 1700-den astam kásipkerlik sýbektiler jumys isteıdi.
Almaty qalasy sanıtarlyq-epıdemııalyq baqylaý departamentiniń derekteri boıynsha 24 qatysýshynyń epıdemııalyq talaptardy buzǵany anyqtaldy.
Olarǵa eskertý jasaldy, eger zańdy buzý qaıtalansa, onda bul sýbektiler qatysýshylar tiziminen 2 aptaǵa shyǵarylady, úshinshi buzýshylyq úshin eki aı merzimge alynyp tastalady.
