Oblystyq polısııa departamenti baspasóz qyzmetiniń málimetinshe, termııalyq kúıik alǵan er adam aýrýhanaǵa jatqyzylǵan.
Densaýlyq saqtaý basqarmasy er adamnyń kóz jumǵanyn habarlady.
«Jedel járdemge qońyraý tún ortasynda tústi. 1989 jyly týǵan pasıentke deneniń 90 paıyzynyń 4 dárejeli kúıik dıagnozy qoıylǵan. О́kinishke oraı, 5:15-te er adam qaıtys boldy», dedi basqarmada.
Oblystyń ónerkásiptik qaýipsizdik departamentiniń aqparaty boıynsha, óndiristegi jazataıym oqıǵa saldarynan «Kastıng» JShS metall kesýshisi kóz jumǵan.
«Qaıǵyly oqıǵany tergeý nátıjesinde naqty sebepter anyqtalady. Aldyn ala málimetter boıynsha, shómish ashylyp, suıyq metall quıylyp ketken», dep atap ótti vedomstvo basshysynyń orynbasary Danııar Andasov.
Oqıǵany ónerkásiptik qaýipsizdik departamenti Pavlodar oblysynyń eńbek departamentimen birlesip tergep-tekseretin bolady.
