Venesııanyń tarıhı ǵımarattaryna motorly sý kólikteri qaýip tóndirýde. Máselen, ýaqyt óte kele aımaqtaǵy kanaldar zaqymdala bastaǵany baıqaldy.
«Bul óz kezeginde qurylystardyń qıraýyna ákep soǵýy múmkin», deıdi sarapshylar.
О́ńirdegi ýshyqqan máseleni shved ónertapqyshtary sheshpek nıette. Mamandar sý astynda júzý qanattary bar qaıyqty oılap shyǵarǵan. Olar arqyly júzý kezinde qaıyqtyń korpýsy sý deńgeıinen kóterilip qozǵalady. Nátıjesinde kólik sýdyń ústimen ushyp bara jatqandaı kórinedi. Esesine ınfraqurylymǵa zııan tıgizetin qatty tolqyndar da paıda bolmaıdy.
«Drondar men smartfondardaǵydaı datchıkterdi paıdalanamyz. Qaıyqty osydan 25 jyl buryn shyǵarsaq, onyń quny ondaǵan mıllıon turar edi. Qazir olar qoljetimdi. Kóligimiz óte yńǵaıly ári shahar ǵımarattaryna qaýipsiz», deıdi kompanııa ókili Mıkael Malberg.
