Jıynda sóz sóılegen QR Memlekettik hatshysy Qyrymbek Kósherbaev memlekettiń áleýmettik-ekonomıkalyq turǵydan tabysty bolýy halyqtyń birligine, etnosaralyq kelisim men konfessııaaralyq tatýlyqqa tikeleı baılanysty ekenin erekshe atap ótti. Sondaı-aq el ishindegi beıbitshilik pen tynyshtyq, halyqaralyq qaýymdastyq aldyndaǵy joǵary bedel, ınvestorlardyń senimi men ekonomıkalyq ósim Elbasy N.Nazarbaev usynǵan birlik formýlasynyń nátıjesi ekenin aıtty.
Sondyqtan Assambleıa óz jumysynda birtutas Qazaqstan halqynyń ortaq qundylyqtary men múddelerin qalyptastyrýǵa basymdyq berýi qajet.
Memlekettik hatshy Qazaqstan halqy Assambleıanyń jumysyn ınstıtýsıonaldyq jáne ınfraqurylymdyq turǵydan odan ári jetildirýge qatysty birqatar naqty tapsyrmalar berdi.
Keńestiń keńeıtilgen otyrysyna Qazaqstan halqy Assambleıasy Tóraǵasynyń orynbasary – Hatshylyq meńgerýshisi Marat Ázilhanov, Qazaqstan halqy Assambleıasy Tóraǵasynyń orynbasarlary Maııa Bekbaeva jáne Zakırjan Kýzıev, QR Parlamenti Májilisiniń depýtattary, ortalyq jáne jergilikti atqarýshy organdardyń basshylary, QHA Keńesiniń músheleri, qoǵam qaıratkerleri, ǵylymı jáne shyǵarmashylyq zııaly qaýym ókilderi qatysty.
Otyrys barysynda Qazaqstan halqy Assambleıasy men Assambleıa Keńesiniń jańa quramy maquldandy. Olardyń quramyna qandastar men jastardyń ókilderi, etnomádenı birlestikterdiń keıingi tolqyn basshylary usynyldy. Sonymen qatar Qazaqstan halqy Assambleıasynyń resmı ókili bekitildi. Atalǵan qyzmetti Qazaqstan halqy Assambleıasy Tóraǵasynyń orynbasary, QHA Jýrnalıster klýbynyń tóraǵasy M.Bekbaeva atqarady.
