Qazirgi ýaqytta EEK alkogol men temeki ónimderine kedendik tranzıt rásimin qoldaný týraly EEK alqasy sheshiminiń jobasyn talqylap jatyr. Sheshim qabyldanǵannan keıin bul ónim eki ret kedendik rásimderge ornalastyrylady - eksport jáne kedendik tranzıt, bul bıznes úshin qosymsha ýaqyt pen qarjylyq shyǵyndarǵa ákep soqtyrady. «Reseı bıznesi kóterip otyrǵan Odaqtyń kedendik aýmaǵy arqyly alkogol men temeki ónimderin tasymaldaýdaǵy bul máseleniń sheshilýine Qazaqstan bıznesi qarsy emes. Biraq qazaqstandyq kásipkerler birdeı taýarlarǵa qatysty birqatar retteý sharalaryn engizýdi jáne qoldanýdy qoldamaıdy, ıaǵnı olar EEK alqasynyń osyndaı sheshim qabyldaǵanymen kelispeıdi», dedi kásipker Dinmuhammed Ábsemetov.
Iskerlik qoǵamdastyqtyń kelispeýshiligi osy ónimniń qozǵalysyn qadaǵalaý úshin navıgasııalyq plombalardy (tranzıttik, ózara saýda jáne eksport) paıdalaný josparlanǵandyǵymen túsindiriledi jáne tıisti norma aldyn-ala qarastyrylǵan.
Al kedendik tranzıttik resimdeý kezinde úshtik kedendik baqylaý bolady. Bul búkil prosess iskerı ortaǵa keri áserin tıgizedi.
Endi Qazaqstan Respýblıkasy Memlekettik kirister komıtetiniń aýmaqtyq organynyń mórimen rastalýy qajet jetkizilim qujatynyń (elektrondyq shot-faktýra) máselesin KSP Steel kompanııasynyń ókili Aıgerim Ishanova kóterdi.
«Bul uzaqqa sozylǵan rásim otandyq eksporttaýshylar úshin qazaqstandyq taýarlardy EAEO elderine eksporttaý kezinde problemaǵa aınalady. Bul vagondardyń bos turýy, taýarlardyń jetkizilýiniń kesheýildeýi jáne jyljymaly quramnyń jumys istemeı qalǵany úshin aıyppuldardy tóleý jáne tasymaldaý josparlaryn oryndamaý saldarynan qosymsha shyǵyndarǵa ákelip soqtyrýy sııaqty máselelerge ákeledi. Munda qarapaıym bir vagon úshin aıyppul 64 400 teńgeni quraıtynyn atap ótken jón», dep túsindirdi Áıgerim Ishanova.
Máseleni sheshý úshin rásimdi qaıta qaraý, memlekettik kirister organyna qujattaryn usyný talaptarynan bas tartý, qazaqstandyq taýarlardy DSU alyp qoıý tizimine engizilgen EAEO naryǵyna eksporttaý prosedýrasyn sıfrlandyrý jáne ońtaılandyrý usynyldy.
Rýslan Beketaev barlyq máseleler jazylyp, egjeı-tegjeıli zerdelenedi, al bıznes-usynystar eskeriledi dep sendirdi.
