Jylyoı aýdanyndaǵy «Teńiz» kenishinde óndiriletin «qara altyn» quramynda kúkirttiń úlesi az emes. Sol sebepten, munda kúkirtti túıirshik túrinde shyǵaratyn zaýyt jumysyn bastady. Jańa zaýytty qazaqstandyq Caspian Group Construction JShS eki jylǵa jetpeıtin merzimde iske qosty. Zaýytta jergilikti 60-tan asa adam úshin jumys orny ashyldy. Aıyna 40 myń tonna túıirshiktelgen kúkirt óndiriledi.
– «Teńiz kenishiniń túıirshiktelgen kúkirti Afrıka, Eýropa, Qytaı jáne basqa elderdiń naryǵyna eksporttalady. Osy oraıda kúkirtti basqarý jospary aıasynda jergilikti kompanııanyń múmkindigin damytý kózdeldi. Sondyqtan kúkirtti óńdeý qýatyn keńeıtetin joba júzege asyryldy, – deıdi «Teńizshevroıl» JShS bas dırektory Kevın Laıon.
Onyń aıtýynsha, jergilikti kompanııalardy damytý – kompanııanyń negizgi strategııalarynyń biri. Bul joba ekologııalyq qaýipsizdikti jaqsartyp, óndiristik táýekelderdi azaıtady.
– Jańa zaýyt portatıvti jáne ońaı jınalatyn GXM3 qondyrǵysymen jabdyqtaldy. Túıirshiktelgen kúkirt shyǵarý úshin álemdegi eń ozyq tehnologııalar qoldanylyp otyr, – deıdi túıirshiktelgen kúkirt zaýytynyń menedjeri Ǵalıasqar Itıshev.
Atyraý oblysy
