Qazaqstan • 10 Maýsym, 2021

Vaksına saldyrǵan qazaqstandyqtar Qyrǵyzstanǵa erkin kire alady

50 ret kórsetildi

Vaksına saldyrǵan qazaqstandyq týrıster Qyrǵyzstanǵa kirgen kezde PTR-testiń teris nátıjesi bar anyqtama kórsetýden bosatyldy, dep habarlaıdy Egemen.kz Qyrǵyzstannyń Ekonomıka jáne qarjy mınıstrligine silteme jasap.

Mekemeniń málimetinshe, 2021 jyly 8 maýsymda Qyrǵyz Respýblıkasynyń quzyretti memlekettik organdarynyń birlesken buıryǵyna sáıkes, koronavırýs ınfeksııasynyń ákelinýi men taralýyna jol bermeý jónindegi is-qımyl algorıtmi bekitildi.

Osylaısha, vaksına saldyrǵan týrıster Qyrǵyzstanǵa 19 maýsymnan bastap áýe qatynasy jáne 11 maýsymnan bastap qurlyqtaǵy shekara arqyly PTR-test týraly anyqtamany usynbaı-aq kele alady. Bul – Qazaqstan men Qyrǵyzstan azamattaryna, sondaı-aq Qyrǵyzstannyń memlekettik shekarasyn kesip ótetin shetel azamattary men azamattyǵy joq adamdarǵa qatysty qabyldanǵan shara.

Ata-analar bes jastan asqan balalaryn da joǵaryda kórsetilgen medısınalyq qujattarmen qamtamasyz etýi kerek.

Uqsas jańalyqtar