Nurbol Ábdisattaruly mamandyǵy boıynsha ınjener-ekonomıst. Eńbek jolyn Ordabasy aýdanynda jer kadastr bıýrosynan bastaǵan. Jer kadastr salasyndaǵy qyzmeti Saıram aýdanynda, «Ońtústik Qazaqstan jerge ornalastyrý ǵylymı-óńdiristik ortalyǵy» enshiles memlekettik kásipornynda basshylyq qyzmettermen jalǵasty. 2012 jyly elordadaǵy «Jerge ornalastyrý ǵylymı-óńdiristik ortalyǵy» respýblıkalyq memlekettik kásiporny bas dırektorynyń birinshi orynbasary qyzmetine taǵaıyndalǵan. 2016 jyldyń sáýir aıynan bastap «Azamattarǵa arnalǵan úkimet» memlekettik korporasııasynyń «Jer kadastry ǵylymı-óndiristik ortalyǵy» dıreksııasy dırektorynyń orynbasary, «Jer kadastry jáne jyljymaıtyn múlikti tehnıkalyq tekserý» dıreksııasy Memlekettik jer kadastry basqarmasynyń basshysy laýazymyn atqarǵan. Ol 2017 jyly Ońtústik Qazaqstan oblysy Túlkibas aýdanynyń ákimi boldy.
Turashbekov ákim bolǵan jyldary Túlkibasta biraz bastamalar qolǵa alyndy. Aýdanǵa ınvestısııa tartýda, kásipkerlikti damytýda jetken jetistikter oblys basshylyǵy tarapynan joǵary baǵalandy. Ásirese, tabıǵaty tamasha Túlkibasta týrıstik baǵytta iri jobalar jasaldy. Byltyr Turashbekov ónerkásibi de, aýyl sharýashylyǵy da jaqsy damyǵan Ordabasy aýdanynyń ákimiqyzmetine aýysqan bolatyn.
Turashbekov osy jýyrda ǵana óńirlik kommýnıkasııalar qyzmetinde bergen brıfınginde Ordabasyda sońǵy bir jylda atqarylǵan jumystardy baıandap ótken edi. Sol brıfıngte aıtylǵan bir-eki sıfrǵa toqtala ketsek, aýdanda ınvestısııa kólemi byltyrǵy tıisti kezeńmen salystyrǵanda 2,2 esege artqan. Jalpy óńirlik ónim kólemi 22 mıllıard 834 mıllıon teńgege jetip, 2020 jylǵy tıisti kezeńmen salystyrǵanda 4 mıllıard 255 mıllıon teńgege kóbeıgen. Aýyl sharýashylyǵy, kásipkerlik salasynda da aýyz toltyryp aıtarlyq ósim bar. Turashbekovtyń júrgen jerinde rýhanı, tárbıelik mańyzy bar sharalarǵa da kóp mán beretini óńirdiń zııaly qaýym ókilderi arasynda kóp aıtylady. Iаǵnı, Túrkistanǵa ákim taǵaıyndaýda tańdaýdyń buǵan deıin eki birdeı aýdannyń tizginin ustaǵan, iskerligi moıyndalǵan Turashbekovke túsýi beker emes. Oblys basshysy Shókeevtiń bul sheshimi jalpy kópshiliktiń de kóńilinen shyǵyp otyr. Jańa ákimdi tanystyrý rásiminde О́mirzaq Shókeev:
- Túrkistan qalasynyń damýynyń birinshi kezeńi aıaqtalyp, ekinshi kezeńi bastaldy. О́zderińizge belgili, jaqynda ǵana óńirdiń keshendi jospary bekitildi. Onda aldaǵy 5 jylda atqarylar jumystar naqtylanǵan. Onyń aıasynda júıeli túrde jumys isteý kerek. Túrkistannyń klımatyn ózgertý jolynda mamandar óte kóp eńbek etýde. Osyny jalǵastyrý kerek. Eki jylda 400 gektar jer saıabaqqa aınaldy. Birneshe sý aıdyndary paıda boldy. Túrkistan - týǵan qalamyz. Búkil álem kóz tigip otyrǵan túrki áleminiń rýhanı astanasy. Osyndaı kıeli mekendi basqarý buıyrǵan jańa ákimniń aldaǵy jumysyna sáttilik tileımiz, - dedi.
