Synaqqa salǵan eki jyl

Osy bir tarıh ól­she­mindegi qas qaǵym ýaqytta qazaq ulty ǵalamat jetistikke jetip, shekarasy she­gen­delgen egemendi elge aınaldy, óz taǵ­dyryn ózi aıqyndaıtyn dárejege jetti, halyq­aralyq qaýymdastyqta óz ornyn taýyp, bedeli, yqpaly artty.

Sonyń nátıjesinde elimizdiń táýel­siz memleket retinde negizi, tu­ǵyry, irgetasy berik qa­lan­dy. Bul – árıne, osy kezeńdegi Mem­­leket basshysy, Tuńǵysh Prezıdent Nur­sul­tan Nazarbaevtyń syrtqy saıasat­taǵy qajyrly, tabandy eńbeginiń jemisi.

Sonymen qatar qazirgi kezeńde álem­degi ha­lyq­aralyq jaǵdaı erekshe kúr­delenip ketti. Halyq­aralyq quqyq buzylyp, alpaýyt elderge tejeý men toqtam bolmaı qaldy. Olar bas­qa elderdiń ishki jaǵdaıyna, isine tik­eleı aralasatyn boldy, óz múd­­de­si úshin soǵys ashýǵa daıyn eken­­dik­­­terin kórsetip otyr. Birikken Ult­tar Uıymy osyndaı qysymnan, agres­sııadan qor­ǵanys áleýeti tómen el­­der­di saqtaýǵa, ony bol­dyrmaýǵa ázir­­­ge qaýqarsyz. Sonymen birge álem­degi qa­lyp­tasqan jahandaný úrdisi bá­seń­­­dep, kóptegen yqpaldy mem­leket­te ult­­shy­l­dyq kózqaras boı kótere bas­tady, álem­dik saýdada ár mem­­le­­ket óz múd­desin qor­ǵaý­ǵa kóshti. Dúnıe­jú­zilik saýda uıy­mynyń bedeli, úıles­tirý­­shi róli tómen­dep ketti, ortaq kelisil­­­gen prın­sıp­ter men tártip buzyla bas­tady. Sank­sııalyq teketires úrdis aldy.

Eń kúrdelisi – álemde qaýipsizdik deńgeıi kúrt tómen­­dedi, terrorızm men ekstremızm órship tur, jap­­paı qarýlaný, ásirese ıadrolyq qarý­dy jetil­dirý bá­seń­der emes, alpaýyt elder tipti ǵa­ryshty da, ǵa­­lam­­tordy da osy maqsatqa paı­dalanýdy qolǵa ala bastady. Vırýstyq aýrý­dyń neshe túri paıda bolyp, jalpy adamzat balasyna qaýip týǵyzýda.

Mine, osy jaǵdaılar Prezıdent Qasym-Jomart Toqaevtyń alǵashqy eki jylǵy qyzmeti­men tuspa-tus kelip, Memleket basshysy retin­de oǵan orasan zor jaýapkershilik pen mindet­ter artty, jańa batyl qadamdar men naqty sheshim­derdi talap etti.

Osy rette sońǵy eki jylda atqa­ryl­ǵan iske zer salsaq, Elbasynyń nazary men Qazaqstan halqynyń senimi, qalaýy Memleket basshysy retinde jan-jaqty daıyndyqtan ótken, elde de, álemde de bedeli úlken tulǵaǵa – Qasym-Jomart Kemelulyna túskeni der kezinde qabyldanǵan tarıhı sheshim bolǵanyn ýaqyt kórsetip otyr. Saıası sabaqtastyqty basshylyqqa alǵan Prezı­dent zaman talabyna saı barlyq sala boıynsha kóptegen jańa bastama men reforma usyndy, tıisti zańdar, arnaıy sheshimder qabyldandy. Naqtyraq aıtqanda, qoǵamdaǵy jaǵdaıǵa shynaıy dıagnoz qoıyp, onyń sheshý joldaryn aıqyn kórsetip berdi. Shyndyǵyna kelsek, osy eki jylda bılik te, qoǵam da ózgerdi, halyqtyń únine qulaq asatyn bılik qalyptasyp keledi, onyń jumysynda jarııalylyq paıda boldy, áleýmettik jelini keńinen paıdalanýǵa kóshti, aryz-shaǵym jaýapsyz qalmaıtyn boldy, sıfrlyq qoǵamǵa bet aldyq.

Eń mańyzdysy eldegi ishki turaq­tylyq, beıbit ómir, etnos pen dinaralyq túsinistik, syılastyq saqtalyp qaldy. Árıne, ekonomıkada, áleýmettik salada áli de sheshilmegen máseleler jet­ki­likti, bizdiń eldiń birligi men ynty­ma­ǵy saqtalǵan jaǵdaıda olardyń she­shimi tabylatyny anyq, oǵan Prezıdent Qasym-Jomart Toqaevtyń qolǵa alǵan reformalary kepil bola alady, tek qoldaı bileıik.

Ikram ADYRBEKOV,

memleket jáne qoǵam qaıratkeri,

Tótenshe jáne ókiletti elshi