Agenttik Tóraǵasy óz sózinde Qazaqstandaǵy BUUDB Keńsesiniń basshysyna kórsetken saraptamalyq qoldaýy úshin alǵys aıtyp, Iа. Berıshti sybaılas jemqorlyqqa qarsy is-qımyldyń tıimdiligin arttyrý boıynsha Qazaqstanda qabyldanyp jatqan sharalar týraly habardar etti.
Atap aıtqanda, Sybaılas jemqorlyqqa qarsy qyzmet basshysy aldyn alý quraldarynyń kúsheıtilgenin, ol úshin birqatar mańyzdy zańnamalyq sharalar qabyldanǵanyn atap ótti. Qaramaǵyndaǵy qyzmetkerlerdiń sybaılas jemqorlyǵy úshin basshylardyń otstavkasy jáne tártiptik jaýapkershiligi ınstıtýty engizildi, NQA jobalarynyń sybaılas jemqorlyqqa qarsy saraptamasy qalpyna keltirildi, sybaılas jemqorlyq faktileri týraly habarlaǵan azamattardy kótermeleý júıesi bekitilgen nusqadan saralanǵanǵa ózgertildi, kvazımemlekettik sektordaǵy komplaens-qyzmetterdiń mindettiligi bekitildi.
Agenttik Tóraǵasy sondaı-aq BUUDB ókilin qazirgi ýaqytta Memleket basshysynyń tapsyrmasyna sáıkes elimizde qylmystyq prosestiń úsh býyndy modeline birtindep kóshý bastalǵanynan, bul qylmystyq-quqyqtyq proseste azamattardyń konstıtýsııalyq quqyqtaryn saqtaý kepildikterin arttyrýǵa yqpal etetindiginen habardar etti.
Jalpy, Antıkor basshysynyń pikirinshe, júrgizilip jatqan saıasat óz nátıjesin berýde. Buny Qazaqstannyń halyqaralyq reıtıngterdegi baǵasy da kýálandyrady. Máselen, sybaılas jemqorlyqty túısiný ındeksinde Qazaqstan alǵash ret 38 ball jınap, 19 pozısııaǵa (133-ten 94-orynǵa deıin) kóterildi.
О́z kezeginde, Iа. Berısh elimizdiń sybaılas jemqorlyqqa qarsy is-qımyldaǵy jetistikterin joǵary baǵalap, BUUDB-nyń sarapshylardy tartýǵa jáne osy turǵydan halyqaralyq tájirıbe usynýǵa árdaıym daıyn ekendigin atap ótti.
Osyǵan baılanysty Antıkor men BUUDB-nyń «Qoǵamdyq monıtorıngti kúsheıtý jáne memlekettik sybaılas jemqorlyqqa qarsy saıasatty iske asyrýǵa azamattyq sektordy tartý arqyly sybaılas jemqorlyq deńgeıin tómendetý» jobasy sheńberindegi birlesken jumysy ózekti bolyp tabylady.
Jobanyń maqsaty azamattyq monıtorıng tetikterin jetildirý arqyly memlekettik organdar qyzmetiniń tıimdiligin, ashyqtyǵyn jáne eseptiligin arttyrýǵa járdemdesý bolyp tabylady.
Kezdesý sońynda taraptar yntymaqtastyqty odan ári jandandyrý úshin, konsýltasııalardy saraptamalyq deńgeıde jalǵastyrýǵa kelisti.
