Sonymen qatar, Ashat Aımaǵambetovtyń aıtýynsha, 2025 jylǵa qaraı granttar sany 75 000 orynǵa deıin artady. Al qosymsha 5 myń stýdent tegin oqýǵa múmkindik alady. Aıta keteıik, endi olardy upaılarǵa qaraı úlestiretin bolady.
«Eger buǵan deıin biz memlekettik tilde jáne basqa da tilderde kvotalar, granttardyń belgili bir sanyn bólsek, onda ótken jyly alǵash ret odan bas tarttyq jáne bıyl grant taǵaıyndaý naqty jınaǵan balldarǵa baılanysty bolady. Sebebi orys tilinde de, aǵylshyn tilinde de, qazaq tilinde de suraqtardyń mazmuny birdeı. Sondyqtan bul jerde talapkerdiń qansha ball jınaǵany ǵana eskeriledi, soǵan baılanysty tıisti sertıfıkat alady jáne bilim berý grantyn taǵaıyndaý konkýrsyna qatysady», dep atap ótti BǴM basshysy Ortalyq kommýnıkasııalar qyzmetinde jýrnalısterdiń suraqtaryna bergen jaýabynda.
