Nur-Sultan qalasy Sýretshiler odaǵynyń tóraǵasy О́miráli Ismaılov kórmeniń ashylý saltanatynda sýretshilerdiń qylqalamynan shyqqan nebir ǵajap týyndylardy tamashalaýǵa shaqyrdy.
– Memlekettik rámizder kúnimen tuspa-tus kelgen «Táýelsizdik kókjıegi» atty kórmeniń ashylýy ótýde. Bul – sýretshiler úshin aıtýly kún. Qazaqstan Respýblıkasy Táýelsizdiginiń 30 jyldyǵyna oraılastyrǵan kórmede sizder boıaý bolmysyn uǵýǵa umtylǵan qylqalam sheberleriniń týyndylaryn tamashalaısyzdar. Elimizde osyndaı kórmeler kóp bola bersin, – dedi О́.Ismaılov.
Atalǵan kórmede sýretshilerdiń keskindeme, grafıka jáne músin janryndaǵy ártúrli tehnıkamen oryndalǵan 60-tan astam týyndylary ekspozısııalandy. Qylqalam sheberleri óz shyǵarmashylyǵynda Qazaqstannyń tarıhyn, mádenıeti men tabıǵatyn tanystyrdy. Shara barysynda aımaqtan kelgen sýretshiler ózara pikir almasyp, osyndaı kezdesý uıymdastyrýǵa muryndyq bolǵan mýzeı ujymyna alǵysyn bildirdi.
Aıta keteıik, «Táýelsizdik kókjıegi» atty sulýlyq pen ásemdikke toly kórmeni ónersúıer qaýym 28 maýsymǵa deıin tamashalaı alady. Kórmege onlaın jáne offlaın formatta qatysýǵa ruqsat etilgen.
Nurbıbi Qadyrova
