Aldaǵy 17 maýsymnan bastap temir jol qyzmetkerleri jolaýshylardy tek Ashyq qosymshasy arqyly ǵana kirgizedi. Vedomstvoaralyq komıssııa taratqan málimetke sáıkes, vokzaldyń barlyq kireberisinde QR-kod ornatylady. Ony Ashyq, Kaspi.kz, Homebank men Aitu qosymshalary arqyly skanerden ótkizip, jeke statýsty anyqtaýǵa bolady.
«Eger jolaýshyda qosymsha bolmasa, onda vokzal qyzmetkerine JSN-dy aıtý kerek. Ol Ashyq qosymshasy arqyly adamnyń statýsyn ózi kóredi. Sheteldikterdiń statýsy da tólqujattyń nómirimen tekseriledi. Al 18 jasqa tolmaǵan balalar tekseristen ótpeıdi», deıdi mamandar.
«Qyzyl» jáne «sary» statýsy shyqqan jolaýshylar vokzalǵa kire almaıdy. Osyǵan baılanysty mamandar ashyq.kz beıtarap QR-kod arqyly jeke statýsty tekserip alýǵa keńes berip otyr.
Eske sala keteıik, Ashyq qosymshasy karantın jaǵdaıynda kásipkerlik nysandardyń jumysyn ári qaraı júrgizý úshin jasalǵan edi. Negizgi maqsat – vırýstyń taralmaýyna jol bermeý. Qosymshada tórt statýs bar. Olar:
jasyl – PTR-test tapsyrǵan jáne teris nátıjesi bar adam;
kók – PTR-testi joq, vırýs juqtyrǵandarmen baılanysta bolmaǵandar;
sary – naýqaspen baılanysta bolǵan adam;
qyzyl – PTR-test oń nátıje shyqqan adam.
