Densaýlyq saqtaý mınıstri Alekseı Soı halyqty vaksınalaý barysy men qazirgi jaǵdaı týraly baıandady.
Qazaqstandaǵy sanıtarlyq-epıdemıologııalyq jaǵdaı jaqsaryp keledi. Elimiz COVID-19 taralý qarqyny boıynsha «jasyl» aımaqta ornalasqan. Vırýstyń reprodýktıvtik ındeksi 0,9, ınfeksııalyqtósek-oryn júktemesi 23%-dy, reanımasııalyq tósek-oryn júktemesi 21%-dy quraıdy.
«Qyzyl aımaqta» Nur-Sultan qalasy, «sary aımaqta» Atyraý, Batys Qazaqstan jáne Qaraǵandy oblystary ornalasqan. Qalǵan 13 óńir – «jasyl aımaqta».
Búgingi tańda 2,5 mln-nan astam adam birinshi komponentti, 1,4 mln-nan astam adam ekinshi komponentti aldy.
Úkimet basshysy Densaýlyq saqtaý mınıstrligi men ákimdikterge sanıtarlyq-epıdemıologııalyq jaǵdaıdy baqylaýda ustaýdy, Nur-Sultan qalasynyń ákimdigine sanıtarlyq-epıdemıologııalyq sharalardy saqtaýǵa jáne halyqty vaksınalaýǵa erekshe nazar aýdarýdy tapsyrdy.
«Maska taǵý rejımi, ásirese, ǵımarat ishinde saqtalady. Monıtorıngtik toptar jumysty jandandyrsyn. Aımaqtaǵy kórshilerimizde aýrýdyń ósýi baıqalady, sondyqtan qosymsha aldyn alý sharalaryn qabyldaý qajet. Eń aldymen, vaksınamen qamtýdy keńeıtý qajet. Vaksınalaýdyń kúndelikti kólemin arttyrǵan jón», dedi A. Mamın.
Premer-Mınıstr «Ashyq» qosymshasyn odan ári engizýdi, aqparattyq-túsindirý jumystaryn kúsheıtýdi jáne halyqty vaksınalaýǵa yntalandyrýdyń pármendi tetikterin ázirleýdi tapsyrdy.
