Balaqaıdy keshe keshki segiz shamysanda turǵyndar taýyp alyp, patrýldik polısııa batalonynyń qyzmetkerlerine tapsyrǵan.
Iývenaldyq polısııa mamandary balaqaıǵa kıim-keshek, aıaq-kıim jáne basqa da kerek-jaraqtaryn jınap berdi. Qazir ol oblystyq balalar aýrýhanasynda. Polıseıler balanyń ata-anasyn izdestirýde.
«Balanyń týystary jaıly qandaı da bir aqparat bolǵan jaǵdaıda 39-48-65 nómirine nemese «102» arnasyna habarlasýlaryńyzdy suraımyz. Onyń ata-anasyna tárbıe, bilim berý boıynsha mindetterin oryndamaǵany, óziniń kámeletke tolmaǵan balalarynyń quqyqtary men múddelerin qorǵamaǵany úshin ákimshilik jaýapkershilik qarastyrylatynyn eske salamyz. Olar ata-ana quqyǵynan aırylýy múmkin», deıdi Petropavl qalalyq PB ıývenaldyq polısııa bóliminiń bastyǵy Elmıra Abýsheva.
