- Ýsolkany túsiniksiz jáne sasyq shyrysh basty! Bul baldyrlar emes. Ne bolyp jatyr? Nege barlyǵy únsiz otyr? Biz Ertiske deıin jettik jáne sol jerge deıin bári jasyl! Qorqynyshty. Kamerada durys kórinbeıdi, biraq ashyq kók, jasyl jáne ashyq qyzyl tús sýda anyq baıqalady... Endi Ýsolkada shomylý nemese balyq aýlaý múmkin emes, - dep jazady jeli qoldanýshylarynyń biri.
Bul jaǵdaıǵa qatysty Pavlodar oblysy boıynsha ekologııa departamenti pikir bildirdi.
- Aǵymdaǵy jyldyń 7 maýsymynda Ertis ózenindegi sýdyń beti men Ertis ózeniniń tarmaǵy Ýsolka ózeninen synamalar alynǵan. Ýsolka shaǵyn aýdanyndaǵy kópir mańyndaǵy sý jasyl baldyrlarmen lastanǵany anyqtaldy, saldarynan sýdyń joǵarǵy qabatyndaǵy túsi ashyq jasyl túske boıalǵan. Zerthanalyq-saraptamalyq baqylaý bóliminiń synaq zerthanasy Ýsolka jáne Ertis ózenderi sýynyń joǵary qabatyna 25 kórsetkish boıynsha zertteýler júrgizdi. Synaq nátıjeleri boıynsha Ýsolka ózeninde OBSh (otteginiń bıologııalyq shyǵyny) boıynsha normatıvten asyp ketý tirkeldi (0,38 mgO/dm3). Bul sý qoımasynyń az kólemde aǵýyna baılanysty kók-jasyl baldyrlardyń ottegin tutynýdy kóbeıtkenin kórsetedi. Ertis ózeninde ShJK asyp ketkeni anyqtalǵan joq, - deıdi departamenttegiler.
