Aımaqtar • 17 Maýsym, 2021

Almatyda «qyzyl mártebeli» áıelge aıyppul salyndy

89 ret kórsetildi

Megapolıste Ashyq jobasy óziniń tıimdiligin kórsetip otyr. Almaty qalasynyń Bas sanıtarlyq dárigeri Jandarbek Bekshın О́ńirlik kommýnıkasııalar qyzmetinde ótken baspasóz konferensııasynda jobanyń arqasynda qalada «qyzyl» mártebesi bar 636 adamnyń anyqtalǵanyn aıtty,  dep habarlaıdy Egemen.kz.

О́zin oqshaýlaý rejımin buzǵan áıelge aıyppul salyndy. Spıkerdiń aıtýynsha, qala turǵynyna hattama toltyryldy. Antıkovıdti emdeý kýrsynan keıin  áıel 30 AEK mólsherinde aıyppul tóleıtin bolady. Aıyppul 7 kúnniń ishinde tólense, ony 50%-ǵa deıin qysqartýǵa bolady.

Sondaı-aq Ashyq qosymshasy «sary» mártebesi bar 150 almatylyqty anyqtady. Búginde Almaty qalasynyń 1 913 nysany jobaǵa tirkelgen.

«Qala «jasyl aımaqqa» ótkenine qaramastan, shekteý sharalaryn saqtaý boıynsha jumystar jalǵasyp jatyr. Biz apta saıyn qoǵamdyq oryndar men áleýmettik-ekonomıkalyq mańyzy bar nysandarǵa baqylaý júrgizemiz. Qosymshanyń arqasynda kóptegen adam juqtyrýdyń aldyn aldy»,  dedi J. Bekshın.

Bas sanıtarlyq dárigerdiń aıtýynsha, Almatyda shekteý sharalaryn buzǵandar jaýapkershilikke tartylady jáne qazirdiń ózinde aıyppul sanksııalary salynýda.

 

 

ALMATY

Sońǵy jańalyqtar

Elorda «jasyl» aımaqqa ótti

Koronavırýs • Keshe

Uqsas jańalyqtar