Ákimniń málimetinshe, Atyraýda 385 nysan «Ashyq» jobasyna qosyldy.
«Bizdiń oblys 26 mamyrdan beri «sary aımaqqa» endi. Qazir ınfeksııalyq tósek-orynnyń júktemesi 16 paıyzdy quraıdy. Em alyp jatqan naýqastardyń sany – 337. Oblysta 12 stasıonarda 2 098 naýqasqa arnalǵan ınfeksııalyq tósek-oryn jasaqtalǵan. Onyń 81-i reanımasııalyq oryn. Qosymsha 750 rezervtik tósek-oryn daıyndaldy», dedi Mahambet Dosmuhambetov.
Onyń aıtýyna qaraǵanda, 1 aqpannan beri óńirge 111 200 doza vaksına jetkizildi. Qazir oblysta vaksına salatyn 41 ekpe beketi ashyldy.
«Búginde 69 304 adam vaksınanyń I komponentin, 27 569 adam II komponentin saldyrdy. О́ńirde qazirgi kezde 385 sýbekt «Ashyq» qosymshasyn engizip, QR-kodpen jumys isteýde», dedi oblys ákimi.
