Bıyl Qazaqstannyń elordasy – Nur-Sultan qalasyna 23 jyl tolmaq. Osyǵan oraı, barlyq qazaqstandyqtardyń elimizdiń bas qalasynyń kórkem sýretterin baıqaýǵa joldaýǵa múmkindikteri bar. О́tinimderdi qabyldaý 2021 jyldyń 21 maýsymyna deıin jalǵasady.
Baıqaý jeńimpazy 300 myń teńgeniń ıesi atanady. 2 oryn úshin júlde - 200 myń teńge, 3 oryn úshin - 100 myń teńgeni qurasa, 4-10 oryn jeńimpazdaryna 50 myń teńgeden syıaqy beriledi.
Baıqaýdyń qorytyndysy 2021 jyldyń 6 shildesinde Nur-Sultan ýaqytymen saǵat 15.00-ge deıin belgili bolady.
Baıqaýǵa Nur-Sultan qalasynda túsirilgen, buryn eshqandaı aqparat quraldarynda (jarnamany, fotomaterıaldardyń derekter bazasyn, áleýmettik jelilerdi jáne t.b. qosa alǵanda) jarııalanbaǵan, barlyq avtorlyq quqyqtary qatysýshyǵa tıesili biregeı sýretter qabyldanady.
Baıqaýǵa 18 jastan asqan qazaqstandyqtar qatysa alady. Baıqaýdyń barlyq kezeńinde qatysýshyǵa tek bir ǵana sýret joldaýǵa ruqsat etiledi.
Baıqaýdyń tolyq erejelerimen Instagram-daǵy Súıikti astana paraqshasynan tanysýǵa bolady.
Botagóz AMALBEK
