Londondaǵy «Ýemblı» stadıonynda ótken Brıtanııa derbıinde aǵylshyndar shabýyldyń, shotlandııalyqtar qorǵanystyń ozyq úlgisin kórsetti. Degenmen kezdesýdiń birinshi bóligi Anglııanyń azdaǵan basymdyǵymen ótkenimen, ekinshi taımda eki quramalar teń jaǵdaıda oınady. Ekinshi 45 mınýtta eki ujymda da gol soǵatyn birneshe múmkindik boldy. Alaıda shabýylshylar ózderine berilgen múmkindikti golǵa aınaldyra almaı, jankúıerlerin jerge qaratty. Qorytyndy esep – 0:0.
Búgingi oıynda eki qurama úshin de jeńis aýadaı qajet edi. Eger Anglııa jeńiske jetkende merziminen buryn pleı-off kezeńine joldama alatyn. Al Shotlandııa úsh upaıdy oljalaǵanda, aǵylshyndarǵa tyqyr taıanatyn edi. Dese de teń nátıje Shotlandııanyń oń jambasyna keletin esep.
Ekinshi týr oıyndarynan keıin D tobynyń týrnır kestesine kóz júgirter bolsaq, 4 upaıy bar Anglııa men Chehııa kósh basynda tursa, bir upaıy bar Horvatııa men Shotlandııa úshinshi jáne tórtinshi oryndy bólisip tur.
